Wednesday, February 20, 2008

v- for vendetta


Photobucket


" نحن نتذكر الفكرة و ليس الرجل لأن الانسان يمكن أن يفشل أو يتم الإمساك به أو يتعرض للقتل أو النسيان و لكن بعد 400 عام ما زال بإمكان الفكرة أن تغير العالم لقد شهدت أول قوة للأفكار لقد رأيت أناساً يقتلون بإسمها و يموتون دفاعاً عنهاو لكنك لا يمكن أن تقبل الفكرة لا يمكنك أن تلمسها أو تضمها الأفكار لا تنزف و لا تشعر بالألم "

Photobucket

هذه كانت بداية فيلم v for vendetta
وكان الكلام علي لسان (ايفي) الذي قامت بدوره الممثله الامريكيه ناتالي بورتمان

Photobucket

لا اعرف ما الذي دفعني , لمشاهدة هذا الفيلم مرة اخري , نعم تستهويني بالطبع العديد من مثل هذه الافلام التي تجاهد من اجل الفكره ومن اجل شيئا ما , سواء بطريقة مباشره مثل هذا الفيلم او فيلم (القلب الشجاع ) لميل جيبسون
والذي حاز عن اخراجه علي الاوسكار لاحسن اخراج في هذا العام
او كما فعل المصري يوسف شاهين في فيلم هي فوضي , اوكما فعل خيري بشاره في فيلم ايس كريم في جليم
وعاطف الطيب في العديد من افلامه واهمها البرئ
العديد ممن عارضوا فيلم ( في فور فينديتا) كان اعتراضهم علي السيناريو معللين هذا بان بعض مشاهد الفيلم جائت غير واقعيه مثل المشهد الذي يطلق ( كريدي) فيه الرصاص علي ( في والذي قام بدوره الممثل (هوجو ويفنج)

Photobucket

والذي قام من قبل بدور العميل في فيلم (ماتريكس )ودور ملك الجان في فيلم ( ملك الخواتم ) حين بخبره ( في ) بالاتي :

"خلف هذا القناع يوجد ما هو أكثر من اللحم .. خلف هذا القناع توجد فكره،مستر كريدى والافكار مضادة للرصاص "
في راي البعض جاء المشهد غير واقعي بينما اعارض انا هؤلاء في ان الفيلم جاء يخبرنا عن فكرة مناضلة الحاكم واعوانه اذا كانوا فاسدين وكما قرات في الكثير من التعليقات علي الفيلم في عدة مواقع ان المهم في الموضوع هو الفكره وليس الانسان لانه كما بدا المخرج الفيلم بجملة
"نحن نتذكر الفكرة و ليس الرجل لأن الانسان يمكن أن يفشل أو يتم الإمساك به أو يتعرض للقتل أو النسيان"
فليخبرني هؤلاء لماذا لم يتعرض للقتل اذا في احدي لقطات الفيلم ولماذا مات بالفعل في اخر الفيلم

Photobucket

هذا لان المخرج والسيناريت قدما لنا نموذجا للحريه وليس مجرد سيره ذاتيه عن هذا الرجل يحلم بها الناس وبانتظارها ولكن بالايمان بالفكره وبالحريه انه ليس الرجل العنكبوت ذو المواهب المتعدد او المغرور سوبر مان او الغامض بات مان انه ليس انسانا( انها مجرد فكره والفكره لا يمكن لها ان تموت) ولهذا فان هذا الفيلم وغيره من الفلام الجيده علينا ان نحترمها وان نذكرها من حينا لاخر , ايمانا باحياء الذكري
لست هنا لاحي الذكري ولكن الحقيقه اني كتبت هذا الموضوع لاحيي الفكره , الفكره في ان من حقنا ان نحيا كما نريد , الحاكم ليس الاله , فلتسقط فكرة الحاكم الاله فلا اله الا الله
ان كنا نؤمن به فعلا سنؤمن بانه اعطانا القوة لسبب ما , لقد اعطانا لسانا لشئ ما , انه ليس سرا
انها معجزه

Photobucket

ان المعجزه مولودة في قلب كل فرد في هذه الارض وفي هذه البلد وفي يده وفي لسانه , لم يكن الحاكم واعوانه وحاشيته قط , اقوي مننا , نحن من وليناهم وننح من اعطيناهم هذه القوه الوهميه واقسم ان طفلا صغيرا في العاشره شجاعا قادرا علي حكم بلادنا باسلوب افضل
ان فكرة الفيلم هي التي ستبقي وليس المؤثرات الصوتيه , وليس الاداء الرائع او الاخراج المبهر , ولا يجب ان يكون هذا هو كل ما نستفيده فيما تقدمه لنا السينما في حياتنا ولا يجب ان نعتبر السينما مجرد اداة ترفيهيه ربما كان هذا هو عنوانها عندما بدات ولكنها حتما تغيرت مع تغير الواقع الذي نعيشه من فساد واضطهاد وسرقة ونهب وقتل واجرام و كذب
اني اذكر دائما جملة في هذا الفيلم كانت تقول :
"
people shouldn't be afraid of their governments
governments should be afraid of their people"
لا يجب ان تخاف الشعوب من حكوماتها , الحكومات هي من يجب ان تخاف من شعوبها
هكذا عرض مخرج الفيلم فكرته والذي قد عمل مساعدا مخرجا في ثلاثية ( ماتريكس ) ليبدا من جديد ابداعا في حياتنا السينمائيه التي تدهورت بفعل الواقع المرير والسلبيه واللامبالاه والطمع والجشع الذي يعيشه الكثير منا ننح شخصيا
فاذا كان الحاكم قويا فنحن من اعطيناه هذه القوه , اذن بالتاكيد ما زال لدينا بعضا من الغضب من هذه القوه التي افرطن فيها نتيجة للسلبيه والفرديه والانانيه
وفي النهاية
ساعود الي فكرة الموضوع
ان الفكره وحدها هي ما يبقي
لم يكن تفجير التمثال فوق قبة مجلس الشيوخ الانجليزي مجرد مشهدا تقديميا لاحداث الفيلم
انه بالطبع مشهدا رمزيا
عن كيفية قتل الرمز الذي استمد قوته من الناس
فليسقط هذا الرمز فليسقط هذا التمثال ولتعود لنا قوتنا
ان كان البعض لا يصدق ( في ) انا اصدقه
ان كان البعض لا يؤمن به فانا اؤمن به

remember, remember,the fifth of november,the gunpowder treason and plot
i know of no reason why the gunpowder treason should ever be forgot
i will remember man , cuz i belive you

10 comments:

ياسر شمس الدين said...

نفسى يبقى فى وقت انى اتفرج على افلام الدنيا ديه كلها شكرا ليك

Zika said...

ياسر شمس الدين
ياريت يبقي في وقت الواحد كان عمل حاجات كتير اوي
شكرا لزيارتك
تحياتي

Empress appy said...

حلوة فكرة الفيلم على فكرة انا بحترم جدا بعض من الافلام الغير عربيه اكيد وفعلا مش لازمنخاف من الحكومه هى اللى لازم تعمل لنا حساب وتخاف وقبل كل ده الدفاع عن فكرة فى دماغك او فكر جواك حلو قوى بس لازم تكون هى الفكرة صح

Zika said...

appy
لازم تكون هي الفكره صح ..اكيد عشان ندافع عنها وعشان نمشي عليها
وعلي فكرة مش في الافلام الاجنبي بس اللي فيها مواقف . في عندنا بارضه عدد مش بطال من المرخجين والافلام اللي فعلا بتقول حاجه

Layla said...

الفيلم حلو اوي فعلا

في ناس اعترضت على مشهد الصراع الاخير بين "v"
والمستبد

لكنهم نسيوا ان
"v"
شخص خيالي لم يقابله وجها لوجه سوى اعضاء الحكومة الذين تم القضاء عليهم بثورة الناس على الحكومة..وسوى ايفي التي تحكي قصته ولا يوجد اي شخص اخر يمكنه ان يكذب ما ترويه عنه..كما انها لم تشاهد هذا الصراع الاخير لكنها نقلته كما تخيلته هي وليس كما حدث في الواقع

المهم يعني ان الفيلم حلو جدا ومش ناقصه حاجة

:D

ولــــــــــو said...

الفيلم ده انا اول مرة شفته بالصدفه وانا قاعد باقلب ف القنوات
حقيقي اختيار ممتاز وتحليل اكتر من ممتاز تعرف ان الموضوع اخد معايا اربع مرات علشان اقدر افهم الفكرة من وراه
عجبني جدا الحوار اللي قالته البطله ف اخر الفيلم
قبل ما الناس الكتييير دي تخلع الاقنعه
فكرة ان الراجل ده خالد بفكرته مش مهم نعرفه لكن اكيد كلنا اقتنعنا بفكره لدرجه اننا كلنا بقينا هو

بجد احييك على اختياراتك والنقد الجامد جدا

على الهامش
اتأثرت جدا بالبوستات اللي كتبتها عن صاحبك
ادعيله ان ربنا يرحمه
ده اكتر حاجه نقدر نعملهاله دلوقت

كريم عاطف said...

الفيلم فعلا جميل وبيعرض فكرة مهمة بس انا هصدعك وهعلق عليه
أولا الفيلم بيحمل الثقافة الأوروبية اللي هي أصلا تخلصت من سطوة الفرد أو النظام الديكتاتوري والناس نفسها مش مقتنعة بالوضع لأنها عارفة إن فيه بديل عشان كده الرغبة في المقاومة موجودة وجاهزة ومحتاجة بس الشرارة لكن مثلا في مصر والدول العربية فيه لسه ناس راضية وساكتة ومقتنعة بوضعها حتى لو كانت ساكنة في احقر عشة وماعندهاش لا مياة ولا نور وبتاكل بالعافية فالناس دي محتاجة تعرف ان فيه بديل فعلا ان ممكن الوضع يتطور للأحسن
ثانيا لو لاحظت الفيلم كان بيبرر المقاومة بالعنف وخصوصا من
"V"
ثالثا أهم فكرة في نظري أن الشخص ده وشه ماظهرش طول الفيلم لأنه بقى رمز واحسن مشهد في اعتقادي هو مشهد المواجهة لما الناس كلها لبست القناع وخرجت كلها بنفس الشكل يعني بالبلدي كده على طريقة"إذا مات
V
فكلنا
"V
طبعا أنا شفت الفيلم من مدة طويلة عشان كده مش فاكر منه كتير بس هحاول
أشوفه تاني
تحياتي

Zika said...

marvel
هو ده الكلام

Zika said...

ولو
الحمد لله ان عجبك التحليل والحمد لله ان عجبك الفيلم . وهو يستاهل فعلا
وبالنسبه لصاحبي يا سيدي شكر الله سعيكم
وربنا يغفر لموتانا كلنا ان شاء الله
شكرا يا ريس
ونورتني

Zika said...

كريم عاطف
طيب ليه مناخدهاش من وجهة نظر ان الناس لما تشوف الفيلم ده تقتنع بان فيه بديل تاني
ماهو احنا مش هنفضل مستنيين الناس دي تقوم عشان نقدر نغير حاجه .. التغيير ممكن يحصل سواء بالناس دي او من غيرها
وحتي لو تلاحظ ان فمصر مظنش ان حصل في تاريخها ان الناس قامت من نفسها كده عملت حاجه , لازم يكون فيه حد هو اللي بيثير الناس علي المحتل او اللملك او الحاكم وكده
طبعا معاك ان التبرير نقطة قد تكون خاطئه بس متنساش ان المقاومه بالعنف هنا مشروعه لان زي مانت شايف ان اللي كتتب الفيلم بيتخيل بلده بعد 30 سنه مثلا من دلوقت وبكده قدر يخرجك من دايرة ان العنف ممنوع , لان لو وصلنا للمرحله اللي بيتكلم عليها الفيلم من الاضطهاد والفساد والموضوع متحلش بالسياسه يبقي اكيد العنف هيبقي مشروع في حالة الفيلم.
بالاضافه طبعا الا انه كان لازم بارضه يحقق ارباح تجارية
ومتنساش ان المخرج هو مساعد مخرج افلام ماتريكس واللي كاتبينه هم اللي كاتبين ماتريكس
وهنا نقدر نقول انه خلي الاكشن يخدم قضية الفيلم بطريقة مبرره وغير مبالغ فيها
ويخليك تتمني وانت قاعد بتتفرج علي الفيلم انه يدمر اكتر ويحاربهم اكتر
....
نورت المدونه كعادتك .. تحياتي