Monday, March 5, 2012

الفيلم ... تأليف واخراج ممدوح زيكا



تحديث : اعلان الفيلم
http://www.youtube.com/watch?v=vn2Wk9s5Jmk&feature=youtu.be


فيلم من تأليفي واخراجي.. شارك معايا في التصوير أحمد الساعاتي

والمونتاج عمله نديم

الموضوع غريب شوية .. قصة الفيلم بتحكي عن مخرج .. قرر يعمل فيلم

الفيلم اتعمل بدون تكلفة تماما.

صوّرت بالكاميرا بتاعتي وفي شقة ناس صحابي والممثلين صحابي
والمونتاج كان عند نديم في البيت بلا أي تكلفة
بدون إضاءة

التجربة كان فيها شيء من الارتجالية أنا مش متعود عليه


الفيلم ده مش أول فيلم أعمله
بس أول فيلم أخلصه


اشتغلت في فيلم روائي قصير في بداية 2010 عن الانتحار اسمه حقنة هوا
تأليفي واخراجي
وكان تمثيل أحمد الساعاتي ومحمد فوزي ومحمد عادل وأنا بارضه
لكن للأسف بعد ما خلص التصوير .. المادة المتصورة باظت على الشريط اللي كانت متصوره عليه

بعد كده دخلت تجربة مهمة جد بالنسبالي وكنت مستني منها كتير
فيلم اسمه " ملاك العجز " تأليفي واخراجي بارضه
حضرت مبلغ عشان انتاجه بعد ما اترفض من كذا شركة انتاج
لأسباب كتيره منها اني ماعملتش أفلام قبل كده
رغم اني شاركت في بتاع 25 مشروع ما بين أفلام وثائقية وأفلام روائية قصيرة واعلانات وكليبات
لكن الرفض كان لأني ماعنديش مشروع خالص باسمي

أو رفض للفكرة عشان كان فيها بالنسبة لبعض تجاوز ديني أو فلسفي ما

المهم صوّرت يومين من أصل 5 أيام تصوير
وحصلت مشاكل تصوير كتير نظرا لأن أنا اللي ممول الموضوع فالناس كانت متطوعة بارضه
المهم اني ماكملتش تصوير ملاك العجز لظروف مادية تماما
لكن ناوي أكمّله ان شاء الله


وهنا جت مرحلة فيلم " الفيلم " اني لازم يكون عندي فيلم ليا من اخراجي مش مساعد مخرج أو كاميرا مان أو ممثل أو كاتب
لأ مخرج
وقررت أعمل الفيلم ده
وأتنازل عن مستوى جودة معين باشتغل بيه أو متعوّد أشتغل بيه ونظام تصوير معين
ومن هنا جت فكرة الفيلم كمان
انه يكون بدون تكلفة تصوير تماما
واخترت مجموعة من صحابي ونفذنا الفيلم

أتمنى يعجبكوا
وأتمنى تستنوا الحاجات اللي جايه
وأتمنى تستنوا أكتر من كده على مستوى كل حاجه

وأتمنى بجد اني أقدر أوصل لبداية اللي بحاول أعمله في السينما .

عرض فيلم الفيلم
هايكون قريب جدا ان شاء الله
وهاقول على أقرب مواعيد وغالبا هايبقا فيه عرض أو أكتر الشهر ده ان شاء الله .

ممدوح زيكا

12 comments:

Anonymous said...

مستني يا زيكا وهيعجبني

الـسـيـدة نـون said...

الف مبروك يا زيكا

وعقبال متعمل فيلم ياخد الاوسكار ان شاء الله


سلام

اختك خيخة

Akram Mashhour said...

الف مبروك يا زيكا
مستني الفيلم ان شاء الله !!

MFMAegy said...

مستنيه بقى ياصديقي
لو حصل حاجة وماتعرضش اصرف نظر عن الفكرة علشان وش هاصدق انك فقر
الى الاماااااااااااااااام

MFMAegy said...
This comment has been removed by the author.
mado80 said...

الف مبرووووك يا زيكا ومستني العرض
وصراحه عندي ثقه كبيره في دماغك علشان كده واثق انه هايعجبني
الف مبروك يا مخرج:)

Baskouta said...

مبروووووووك كتير ليك
وعقبال افلام جاية كتير
ربنا يوفقك وتحقق كل اللي تتمناه

وعلى فكرة عجبتني الوان الافيش
وترتيب الكلام عليه

تحس فيه بحاجة تشدك انك تعرف في ايه ورا الافيش ده
خصوصا الجزء الاغمق اللي عليه اسماء الكرو
تحس انك عاوز تبعده بايدك وتدخل تشوف في ايه

تحياتي

مدونة عرفة فاروق said...

مبروووووووووووك

الف مليون مبروك يا زيكا


الواحد بيحب السيما قوى بس مش عارف يعمل ايه فيها

ببقى سعيد جدا انى الأقى حد بيعبر عن حبى للفن السينمائى بطريقته

هكون اسعد بكتير انى الأقى جوانب الحب ده ظاهرة فى العمل

يالا بقى يا فنان عايز اشوف فن

alassmaa said...

زيكا يا جمييييييييييييييييل الف الف الف مبرووووك وان شاء الله تخلص افلام كتيييييييييييييرة اوييييييييييييييييي ربنا يوفقك يا صديكي :) :) :)

وينكى said...

لولولولولولوليييييييي
مبروك يابو الزييييييك
بجد مبسوطة عشانك قوي
مستنية العرض بفارغ الصبر
والفيلم الجاى ان شاء الله لازم اغني او امثل فيه.. وانت حر بقى.. هه

مصطفى ريان said...

مبروك يا زيكا وان شاء الله تعمل كل الحاجات اللي بتحلم بيها وتقدر تحققها

VOltaa said...

مبروك ياعم
عايزين نشوفه بقى
:)