Friday, February 12, 2010

عودة الأحا

نعم أعزائي انها عودة الأحا التي وإن غابت فانها غابت لتعود اليكم بقوة
فكم ذا بمصر من الأحّاتِ
-------------------------------------------------------
الأحا الأولى
ــــــــــــــــــــــــ
شوفوا يا اخواننا انا أه باعترف لساني اطول من دراعي .. ودراعي اطول من رجلي لكن ده مايمنعش اني باعرف احافظ عليه كويس جدا مع الناس المحترمه اللي بتشهد اني انسان محترم جدا لغاية ما يدخلوا مدونتي ويعرفوا اني محترم اكتر .. ولا حد عنده اعتراض ؟
يعني من الاخر .. مش باخرف .. والملحوظه دي عشان الزميل العزيز اللي قابلني في معرض الكتاب لاول مره وقالتلي .. ايه ده يا ممدوح ده انت مؤدب ؟
احا ياخويا . وانت كنت فاكر نفسك جاي تقابل سواق ميكروباص بروح امك ؟
الأحا الثانيه
ــــــــــــــــــــــ
هي احا صغيره معلش وهي للزمالكاويه اللي لا مؤاخذه بعد رابع مباراه يكسبوها على التوالي - شوف يا مؤمن الابداع - وده طبعا انجاز فشيخ غير مسبوق لفرقه انها تكسب اربع ماتشات ورا بعض ومع هزيمة الاهلي الأولى في الدوري - شوف يا مؤمن فرقة وسخه صحيح الاهلي ده وتعبانه وكحيانه دول خسروا م المحله - وده طبعا مؤشر قوي لانهيار الأهلي وصعود الزمالك للمنافسه بقوة على جايزة الأحا الكبيره السنه دي .
الأحا التالته
ـــــــــــــــــــــــــ
مازال معرض الكتاب يواجه نفس المشاكل بتاعة كل سنه ونفس البيض بتاع كل سنه
العيال اللي جايه تلعب كوره وتتفسح ويعاكسوا بنات - أحا
مقر الجامعه الأمريكيه بارضه معفن والكتب غير مرتبه ومافيش قسم فيه نفس الكتب اللي متصنفه بيه - أحا
الدنيا زحمه كيك و النظام مش قد كده - دي بارضه أنزر أحا
الانسان البسيط ممدوح زيكا يأخذ جايزة الأحا لكونه الاول الذي يتسوق من معرض الكتاب ويتجول فيه حامله في فمه أول مصاصه في تاريخ معرض الكتاب - أحااا بقاااا
الأحا الرابعه
ــــــــــــــــــــ
قررت قرار مش هارجع فيه اني لن امتهن الرقص مره تانيه في حياتي لاسباب معنويه وجسديه - واخدين بالكوا يعني - خلاص زمن ال ... خلاص انتها ماعادش فيه لازم الواحد يبدأ يركز في حاجه تانيه أينعم انا مافشلتش في الرقص بس وصلت فيه للي ماكانش فارق معايا اني اوصله وبما اني وصلتله فمفيش داعي افضل فيه ..خصوصا ان موضوع الرقص اصلا جه بالصدفه زي ما قلت قبل كده
الأحا الخامسه
ـــــــــــــــــــــــــ
الحكومه تعلن استمرار قانون الطوارئ .. ياخي ستميت أحا في بعض
هو قانون الارهاب ده قانون جملي يعني بقالوا زرتميت سنه بيتعمل يا جدعان ده قانون بيتعمل من وانا صغير
ده انا كبرت وعجزت وقربت اموت والقانون لسه ماطلعش للنور
الأحا .. ما قبل الأخيره
ـــــــــــــــــــــــــــــــــــــــــ
مابحترمش أي حد شايف نفسه ... ومابحترمش أي حد مش بيقدر الناس عيب لما حد مايحترمش حد أكبر منه ... زي مثلا اللي حصل لصديقي الكاتب الجميل المشهور لما راح يقابل ناس مش مشهوره ومش فنانين ومش ادباء ومش ومش .. فقالهم انا فلان الفلاني فقام كبيرهم فقال .. ايوه ..امم اا انت مدون صح
فقالهم صاحبي لأ بس انا لما باشوف حد باشبه عليه باسلم عليه - وصاحبي وأستاذي طبعا أحرج بشكل كبير - فقام كبيرهم بارضه - شوف ياخي كبيرهم عمال يقوم ازاي وقاله اه طبعا ماحنا معروفين واعمالنا منتشره ع النت
الى هنا انتهت الحدوته ... واحا أحا اااااحااااا
زي فاينال أحا
ـــــــــــــــــــــ
من يومين سمعت انهم هايعملوا جزء جديد من final destination
ماعرفش ده يبقا الجزء الرابع او الخامس تقريبا
لكن الغريب انهم رغم ان الجزء التاني بس هو اللي حلو والباقي كله فاكس الا انهم مصممين بااارضه يعملوا أجزاء تانيه منه
زي عندنا المقطوعه السينمائيه الفشيخه عمر وسلمى
وزي المقطوعه التليفزيونيه الفشيخه بارضك الدالي
الا اني لاحظت انهم كل مره بيقولوا
فاينال ديستينيشن
كل مره فاينال ديستينيشن
ونفسي اعرف امتي هايخلوا عند اللي جابوهم دم ويعملوا فيلم ويسموه
" THE " final destination

15 comments:

Mahmoud البطراوى said...

زيكا هو سؤال بسيط

ليه البوست اسمه عوده ال... هى كانت فين :P

Unknown said...

مقلتش ليه للاخ اللى قالك هو انت مؤدب اللفظ دة فى وشه؟؟؟؟؟

فاينال زفت دة من اسوأ الافلام اللى اتعملت فى تاريخ كوكو الارض عل فكرة

Zika said...

بطوط

ماراحتش موجوده بس مدفونه
كبت الاحا غلط على فكره

Zika said...

انجي

وانتي ايش عرفك ان انا ما قولتوش يا انجي ؟
وعلى فكره هو مش بس اتقاله في وشه هو كمان قراه هنا
وضحك اوي وبقينا اصحاب جدا

فعلا الفيلم سخيف بس مش فاهم ليه مصممين يعملوا منه اجزاء

AmiroZ said...

بص يا أستاذ زيكا
بالنسبة لحوار الزملكاوية
أبقى خش على مدونتى وتصفحها وإنت هاتضحك من قلبك ع المسخرة الزملكاوية
تحياتى ليك
:)

adel said...

سؤال بس مين صاحبك الاديب المشهور
اللي اتسال انت مدون ؟؟
:):)
اصل اليوم ده سالت حد نفس السؤال
لحسن تكون بتشتمني انا يامنيل
؟؟؟
::D:D:D

adel said...
This comment has been removed by the author.
Che said...

ايه يا عم زيكا .. كل دى احاااات
بس انا بشترك مع دولا فى السؤال ... مين الناس دى يا زيكا
اقولك ... لما اقابلك ابقى قولى .. عشان نبقى براحتنا

Zika said...

اميروز
حبيب هارتي :))

Zika said...

عادل
بزمتك
هابقا واقف باشرب نيسكافيه معاك
وبعدها بيوم اشتمك من ورا ضهرك
ياخي احا
:D
يا ولدي انا اللي باشتمه باشتمه في وشه
زي مانت عارف يعني ههههه
ليا عندك واحد نيسكافيه يا دولا يا حبيبي يا ابن حبيبي :D

Zika said...

تشي

يا عمور الاحا في المنام خير
:D

Che said...

انا هنا اهو لحسن الناس تفتكر ان زيكا بيقولنا احنا احا
يا جماعه زيكا مش بيقولنا احنا احاااااا ... بيقول لناس تانيه

dr.lecter said...

اضم احتي الي احتك بصوت عالي

سارة نجاتى said...

حبيب قلبى أنت والله يا زيكا
انت مش تاخد جايزه مانح الاحا الأكبر
و لكن جايزه الصراحة الفظيعة
كله مالوش دعوى ببعضه بس يشتركوا فى سمة الأحاوية

لسه قريبتى بتقولى من ساعتين أنا عايزه أدى الشخص اللى اخترع كلمة أحا دى نيشان هههههههههه

سارة نجاتى said...

أه صح

بخصوص أنك تبطل الرقص
هو قرارك طبعا و انت حر
بس أنا رأى
أن القرار ده بقى أحا ههههههههههههه