Wednesday, February 10, 2010

العيب في الضي

عشان لما بتضلم ساعات ماحدش بيحس بالضلمه دي زي ما بنحس , ولانها لما بتنور بتنور على كل الناس . ف لازم نعترف ان العيب في الضي .
لان الوقت بيجري والسنين بتضيع من عمر الواحد ولا اللي كانها في سبق
عشان الوحده بتعلم القلب ازاي يكون قوي وازاي مايحسش بحد بعد كده
عشان الاحلام ساعات بتبقا اكبر من البني ادم خصوصا لو ماكانش محظوظ اوي
عشان النجاح اصعب مما نتخيل
عشان الضحك حتى لما بييجي بييجي مجروح
ولان الساعه بتقف كل ما الحجاره بتفضى وندوخ نسال الساعه كام وعلى بال ما نلاقي ساعه .. تكون دقايق مش مهمه لحد غيرنا تكون ضاعت وضاع معاها فرص كتير
كان لازم نلاقي حجه ونقول ان العيب في الضي زي ما الاغنيه بتقول ..ولو اني متأكد ان العيب في الضي

1 comment:

z!zOoOo said...

عشان لما بتضلم ساعات ماحدش بيحس بالضلمه دي زي ما بنحس

عشان الوحده بتعلم القلب ازاي يكون قوي وازاي مايحسش بحد بعد كده

عشان الضحك حتى لما بييجي بييجي مجروح

ولان الساعه بتقف كل ما الحجاره بتفضى وندوخ نسال الساعه كام وعلى بال ما نلاقي ساعه .. تكون دقايق مش مهمه لحد غيرنا تكون ضاعت وضاع معاها فرص كتير


أقسم بالله ما عارف اقولك إيه

حسيت الكلام فوق ما تتخيل

يمكن عشان عايش جزء كبير منه

بس للأسف محدش حاسس

بس يمكن فعلا

العيب في الضي

:( " :)