Saturday, February 14, 2009

احلام اليقظه

ذهبت يوما في النوم
يوما من ايام شهر يناير
حيث كانت تمطر في الشتاء
وفي احدي تلك الليالي الممطره استلقيت في غرفتي المظلمه بحثا عن الهدوء والراحه ولعلها تكون ابدية
وعندما استيقظت
ما هذا كم الساعه ؟
يبدو اني نمت كثيرا
هل نمت اثني عشر ساعه , ربما نمت اكثر
استيقظت لاجد ابي يقسو علي الباب . لقد نسي المفاتيح
اخي ... كان عائدا هو الاخر من احدي رحلاته التي لا تنتهي
امي .. متي بدات تلك التجاعيد في الظهور علي وجهها ؟
تفاجات كثيرا .. يبدو اني نمت اكثر مما توقعت
تبا
لقد نمت كثيرا بالفعل
ان النتيجه تشير الي الرابع عشر من فبراير
انه العام 2009
ما الذي يحدث
لم اشعر بكل تلك السنين وهي تستبيح من غفلتي ما تشاء ان تستبيح
لم اشعر بتلك الفوضي التي باتت جزءا لا يتجزا من حياتي
كيف اصبحت ما انا عليه
حقا
لقد اصبحت اسوأ من اكثر كوابيسي سوءا
ما الذي حدث
لقد تغير العالم كثيرا
ما هذا .. هل ما زال حسني مبارك رئيسا
اعتقدت ان في 2005 ستتغير الامور
لم يتغير شيئا
ما الذي يحدث
هل انتخب جورج بوش ثانية . هل اصيب الامريكان بالغباء .. اليس هو هذا الرجل الذي لطالما لعنوه بعد11 سبتمبر
رئيسا اسود لامريكا ... لا مزاح
لا تمزح هل اصبح بطل فيلم المدمر حاكما لولاية كاليفورنيا
لا اصدق .. كل هذا التطاول علي المصريين في السعوديه
لا اصدق هذا العالم
انه يزداد سوءا
ساخلد للنوم
حقا ساخلد للنوم لا اعرف الي متي ولكن الي ان اعود تبقي كلمه
"
ان الثوره من دون رقص هي ثورة لا تستحق ان نحصل عليها
v
"

لساني انا بحلم لساني
مستني في شط الحريه
انا لسه صغير لساني
وببص علي الشط التاني
وسط شطوطي الفقريه
شط روحي شط جروحي
شط بيشطح فوق سطوحي
شط عن الازمه الحقيقيه
ازاي انا ساكت علي نفسي
ازاي ماقدرتش افكرلي
ماقدرتش احب
مالحقتش اصلي
ماقدرتش احافظ علي وقتي
مافهمتش حبك يا حبيبتي
انا لسه بفكر من يومها
في حبة حاجات
ازاي انا بحلم بيها تاني
يوم ما حضنتها
يوم ما باستني
يوم شفتها
يوم حستني
يوم قضينا الليل سوا
بعد العشا
لا قلنا لا عيب ولا حرام
والناس ما بتبطل كلام
قلة حيا قلة خشا
حيا ايه . يا بني ادمين
ده مجرد حلم
شاب مراهق عاشله يومين
من جوه الفيلم
اكشن . ضرب وطيخ وطاخ
حب وحزن . شجن وصراخ
وارجع من تاني لاحلامي
هارجع وهاقول نفس كلامي
لساني انا بحلم لساني
مستني علي الشط التاني
بحلم بيا وبيحلم بيها
حتي في حلمي بفكر فيها
لا مش قصدي يعني حبيبتي
اقصد خيبتي
صديقة عمري
مهما انا ببعد عنها
وبجري
ارجع تاني واحن اليها
انا شايف عيل مش قدي
اقصد شبهي
لأ مش شبهي
يمكن انا وانا لسه صغير
يمكن بحلم
بس ده حلم طويل وعريض
وانا اكبر حلم حلمته قصير
شايفه بيحلم بالفكره
شايفه بيضحك من بكره
شايفه بيعلب بالكوره
ولا الكوره بتلعب بيه
مش فارقه
طفله حزينه اوي ومكسوره
حبت مرة تقرب ليه
تلعب جمبه
تزق الكوره
خدت الصوره
وراحت جايبه باقي الفرقه
لعبوا يوميها يادوب ماتشين
كسب الاول 1 زيرو
بس مصيره
خسر في الاخر سته .. اتنين
ومن يوميها بتحلم بيه
لا مش اقصد يعني حبيبته
اقصد خيبته
اقصد حلمه الساكن
جوه قفص مقفول
اقصد بيت الشعر بيحكي
في المعقول والمش معقول
اقصد فكره كانت في دماغه
لما حكاها
الناس ضحكتله
اما صحيح عيل مسطول
لساني انا بحلم لساني
يخلص حلم
هييجي التاني
اما نسيت احكيلكوا حكايه
كان في مره ولد في روايه
لأ دي حكيتها
باين التانيه شكلي نسيتها
لما افكر راح احكيها
مانا مش هافضل مستنيها
هي هتيجي
من غير زن
لما هتيجي
هتيجي بفن

17 comments:

اسماء عوني said...

طريقتك . لا تعليق عليها
كلنا اتسرق من عمرنا حاجات كتيره وماحسناش بيها الا بعد وقت كبير لما فوقنا
وياريتنا بنفوق في الوقت المناسب
القصيده دي انا علقت عليها قبل كده وقلتلك انها بجد تحفه
تحفه فنيه مش بهزر
بس رغم انها باينها دمها خفيف الا اني بحسها كئيبه
ومش فاهمه يعني ايه هتنام تاني
مش المفروض انك مبسوط انك صحيت ؟

Soooo said...

حلوه قوي يا زيكا
بجد بجد حلوة



سلامووووووووز

سارة نجاتى said...

أنت حقيقى يا زيكا

بس كده

Desert cat said...

كل سنة وانت طيب
عيد حب سعيد ياباشا

Che said...

يا ترى يا زيكا باشا لما صحيت و لقيت انه السنه 2009 مش 2008 يعنى بعد اليوم ده بسنه ، لقيت ايه اتغير بجد

Zika said...

اسماء عوني
يعني هاخد اجازه من التدوين شويه هو ده النوم

Zika said...

soooo
منور يا باشا
ربنا يخليك ده بس من زوقك
سلام

Zika said...

ساره
هو ده سؤال ولا انتي بتقولي عليا كده
ولو اني مش فاهم
بس شكلها حاجه حلوه
شكرا شكرا
:)

Zika said...

desert cat
وانتي طيبه يا قطه
عيد حب سعيد
منوراني دايما

Zika said...

che
فين
2008
دي
اقرا كده تاني :P:P:P

استر عليا الاهي يستر عليك

Che said...

معلش يا زيكا العتب على النظر يا ابن والدى

micheal said...

روح كمل نوم يا أبو الزيك
:)
بس تصدق يا عامونا..كلامك قطع قلبي بجد
هابي فالانتين
تحياتي

Zika said...

che
حلوه قوة الملاحظه دي يا ريس
بس دي كانت غلطه مطبعيه مش اكتر
نورت

Zika said...

michael
طب عاوز حاجه قبل ما انام
سلام
هههههههههه
الاهي ما يقطع قلبك ابدا ولا يوريك في ولاياك
نورت يا معلمي

aMr saYed said...

صديقي زيكا كم اسعد بلقيا وجهك الجميل الحمق

ياض يخرب بيتك انت نمت نوووم اهل الكهف ولا ايه يا ابني ورايح تنام تاني وبعدين هي الدنيا بتسرقنا بجد لو تحسب انت سنك كام وكم من لحظات قد عشت سترى اننا اهدرنا اكثر من نصف العمر في اشياء لا تستحق ان تذكر فيما بعد اسدي لك نصيحة اخطف الموزة قبل ما الموزة تختطفك هههههههههههههه
اوعى تسيب نفسك للدنيا دوس في الدنيا بقلب جامد مش هتعمل فينا حاجة اكتر من اللي احنا فيه وبعدين انا حلمت يا زيكا اني سنة2055 اني توفيت وانتقلت روحي لبرائها ومشي في جنازتي حسني مبارك برده وهو رئيس الجمهورية
والامريكان انتخبوات اوباما لانهم يرونه الافضل والاصلح لهم ليس لنا

سلام يا واد يا زكزوكي ده انت رغاي اوي

Zika said...

amr ta3lab
اه يا واد يا عمرو والله وسمعني سلام
ابص لروحي فجاه لقيتني لقيتني فجاه كبرت كبرت
هع هع هعععععععع
انا بارضه اللي رغاي

Zika said...

مشمشه
وانا اقول البت راحت فين
ماعلش يا بنتي الدنيا كده
هنقول ايه
وعينيا ليكي يعني ده انا هانزل بوست اهو