Monday, February 9, 2009

اي نصر هذا




كتب :

ممدوح عبد الحميد

د\ حسناء الجندي



الان وبعد انتهاء المجزره الاسرائيليه


بعد الصمت العربي المخجل


بعد التخاذل العالمي


بعد تظاهر الملايين في كل انحاء العالم تنديدا بما يحدث في غزه

بعد غلق معبر رفح



حان الوقت لنتحدث ووبكل صراحه وواقعيه وبعيدا عن اي عاطفة هوجاء قد تزيد الامور سوءا

حان الوقت لنفتح هذا الملف الممنوع فتحه




دائما ما طالعنا الاخ اسماعيل هنيه بتصريحات تذكرني وبشده بتلك التي كان بطلها الاول الصحاف في العراق منذ سنين ليست بالبعيده




وحان الوقت لان نسال الاخ اسماعيل هنيه وبكل ثقه

اي نصر تتحدث عنه

ان كنت تقصد انك افقدت العدو قدرته وتوازنه

فانت مخطئ تماما . لم تهتز شعره واحده من شعرات اسرائيل

لم يدين العالم اسرائيل


بالفعل توقف العدوان ولكن هذا ليس نتيجة لقوة حماس ولكن نتيجة لضغط دولي ادي في الاخر الي اظهار اسرائيل بصورة الملبي المحترم


لرغبات المجتمع الدولي


الاخ اسماعيل هنيه .. للاسف الشديد لم تنتصر فلسطين في تلك المعركه


المعركه التي راح ضحيتها


اكثر من الف فلسطيني ومثلهم من الجرحي والمصابين


ان عدم تحقيق العدو الصهيوني لطموحاته بالقضاء علي المقاومه لا يعد نصرا


هو مجرد ( مسالة وقت ) ليس الا


كما احب ان اقول دائما ( بيدي لا بيد عمرو ) كان اولي ان نسمع اخبار عن انتصار عسكري لحماس علي اسرائيل


اسرائيل ليست بالمرعبه عسكريا والدليل انتصار حسن نصر الله ورجالته ( ايوه رجالته ) علي الصهاينه وتحقيق ما يعد في علم النصر نصرا


لا تخرج وتشجب وتدين الحكومات العربيه والشعوبي العربيه , وانت مثلك مثل باقي الحكومات العربيه مزيفا للحقائق وهو اننا امام هزيمة نكراء


هزيمه للكرامه العربيه


الاف اللترات من الدماء المهدره في حمامات مستشفيات غزه ستشهد عليك يوم القيامه بانك كذبت وقلت ان هذا نصرا


عفوا عزيزي هذا ليس نصرا


كان لابد من صمت وتشجيع في موقف الحرب فوقت الحرب لن اسال عن اسباب فقط سادافع عن اخوتي في الله والوطن , اما بعد انتهاء المعركه فيجب ان يحاسب كل من اعلي اخطاءه


حاسبني انت اذن لانني لم اكن موجوده في غزه مشهرا سلاحي في وجه رجل صهيوني


واحاسبك انا علي خداعك وعلي تزييفك للواقع بعبارات براقه وبتصريحات ثورية جيفاريه للاسف لا تستحقها


في النهايه


انا اعرف مصيري بعد هذا المقال .. وهو القائمه السوداء عند احدهم ولكن اذا كان هذا الكلام قد يضعني عند بعض ضيقي الافق في قائمتهم السوداء فان لهذه القائمه السوداء اشرف لي من الف قائمة بيضاء احاسب فيها امام الله علي كذبي وتضليلي وصوتي العالي بدون حجه ودليل


ممدوح عبد الحميد

د \ حسنا الجندي

لرسالة الدكتوراه الخاصه ب د\ مريم عيسي جلال

حول اراء الشباب العربي فيما بعد مجزرة غزه

24 comments:

سارة نجاتى said...

متفقة معاك تماما , و لا أعتبر الصمود نصرا , الصمود شىء أحييى الأخرين عليه و أحترمهم عشانه لكن النصر و الخسارة معاييرهم حجم خسائرك قصاد عدوك , ثم ان اللى حدد التهدئة و املى شروطه كان للأسف اسرائيل أن أكره أن أقول هذا و كان نفسى أقول العكس , بس النصر لا يتحقق برغبتنا فيه أو تمنينا له و انما بوقائع .

معلش أنا غايبة ليا كتير بس الجهاز عندى باسظ له فترة و الشرطة مش عايزه تخلصنى و تصلحه و بلاقى فرص بالعافيه أنى أدخل ساعات .

سلام يا باشا

سارة نجاتى said...

الشركة , شرطة ايه بس

aMr saYed said...

الصمود ليس نصرا نعم معها كل الحق اصبح لدى حكامنا ثقافة شعواء تقول انك اذا صمدت يصبح هذا انتصار لا و مليون والف لا النصر هو ان تكبد العدو خسائر اكبر من خسائرك و هو ان تتقدم على العدو وان يطلب العدو الصلح لا تطلبه انت هكذا النصر يا حكام العرب و يا عالم يا هوو هو ده النصر معاااااااااك يا دكتورة في المقال و اشكرك يا زيكا على نشره
افتقدنا احاسيس النصر فتغنينا بمنع الهزيمة و ما منعناها
انت عارف ده زي ايه لما واحد قوي يجي يضربك قلمين تنضرب قلم و التاني تحوشه تطلع من الخناقة تفضل تقول قطعت امه هو ده حال كل عربي
سلام بقا ده انت رغاي اوي

Unknown said...

معاك حق والله

اي نصر و بلد مدمره و بيوت مهدمه و بنيه تحتيه اتدمرت و مصابين و شهداء و ايتام و ارامل

فين النصر امال الوكسه تبقي ايه

احساس لسه حى said...

هقولك معلومه

هحرقها لانى هنزلها فى البوست الجاى

حرب اكتوبر

بحساباتك

مش انتصار

لان فى الحرب دى مات

15000 عربى خمسة عشر الف شهيد

2400 اسرائيلى القين واربعمائه قتيل

ايه رائيك

خسرنا حرب اكتوبر

شوفت انت بتحسبها غلط

ومش عارف حاجه

والبوست الجاى هرد عليك برضوا

البت المشمشية حلوة بس شقية said...

فين النصر ده تفتكر هو ده النصر اللى احنا مستنينو

Zika said...

ساره نجاتي
النصر قصده يعني انهم ما قتلوش الفلسطينيين كلهم
كان نفسنا اكيد يا ساره نقول عكس كده
بس للاسف ده اسمه واقع

لا لا لا الشرطه هي الشرطه
قوليلي عملتي ايه بس . ولا الشرطه واخده جهازك ليه اعترفي
الانكار مش هينفعك
ولا هينفع الشرطه

ترجعي بالسلامه يا باشا

Zika said...

amr ta3lab
عمور انا كتبت المقال مع الدكتوره علي فكره
وبالمناسبه الدكتوره حسنا اصلا فلسطينيه
يعني مش باجيب كلام من عندي ده كلام فلسطينيه اهو
كلامك عبقري بجد يا عمرو
احييك عليك
نورت يا معلم ههههه

Zika said...

emy
صحيح يا ايمي والله اومال الوكسه تبقي ايه

Zika said...

احساس لسه حي
فيه حاجه اسمها نسبة وتناسب يعني بص لعدد العرب وعدد الاسرائيليين
بالاضافه ان فيه شهداء وفيه تقدم علي واقع الارض و تمركز الجنود
لكن قولي ايه النصر العسكري
اللي خدته فلسطين
وقولي كام واحد من اسرائيل مات مقابل اللي ماتوا من اسرائيل

كسبنا حرب اكتوبر
وخسرنا المعركه الاخيره في فلسطين

شوفت انت بتحسبها غلط ازاي

والله يسامحك يا سيدي

ترد ماتردش بوست مش بوست دي حاجه تخصك
سلام

Zika said...

البت المشمشيه حلوه بس شقيه
اكيد لا
بس ما تقلقيش
" الا ان نصر الله قريب "

micheal said...

الله ينور عليك يا زيكا
وأنا بضم صوتي لصوتك ويا ريت الكل يفهم ونبطل شعارات فقدت معناها
تحياتي

Unknown said...

انا لما شفت تصريحات هنية كان تعليقى لما دة نصر اومال الهزيمة شكلها ايه...عجبتنى اوى الحتة بتاعة حاسبنى واحاسبك فعلا كلنا شركاء فى دم اللى راحوا...الله ينور

!!! عارفة ... مش عارف ليه said...

لست مع هذا ولا ذاك
لكن عندي سؤال فرضي لو سمحت لي بطرحه

وقبل السؤال اتفق معك بأن ما حدث ليس نصر بالمعنى المعروف

لكننا نرى صمود في وجه المذابح البربرية
ولم يأن احد من المقاومة أو تخاذل وجبن وهرب

نيجي بقى للسؤال

إذا كانت حماس فشلت

هل نجحت فتح وحققت السلام المنشود مع إسرائيل ؟

تاريخياً الأمر بدأ بفتح في محادثات السلام

وعندما فشلت فتح في تحقيق أي شيء على أرض الواقع
بالإضافة إلى التدليس والاختلاس من أموال الشعب الفلسطيني

برز دور حماس وجائت عبر الانتخابات
نتيجة لفشل فتح


وسامحني على الإطالة
أنما المقصود من كل ما حدث
ليس حماس على وجه التحديد

بل تلقين درس لكل من تسول له نفسه في التطاول على إسرائيل
بأنه مصيره سيكون هكذا
والترويع لكل من يتجاسر عليها


وذلك بإقصاء روح المقاومة


تحياتي
وليد

اسماء عوني said...

صحيح
اومال الهزيمه تبقي ايه
لما الناس كلها تموت ومايتبقاش حد يتكلم
وبعدين سيبك من ضيقي الافق ورغم اني ماعرفهمش بس عادي انا واثقه في رايك ودماغك ومايهمكش حد
المهم ان انت في القائمه البيضا عندي هههههههه

Zika said...

micheal
نفسي نبطل موضوع الشعارات ده
نورت يا عمونا

Zika said...

enjy
كلنا غلط بس الفرق ان انا اعترفت باني غلطان وهو ماعترفش
نورتي يا انجي

Zika said...

عارفه مش عارف ليه
اكيد لا
بل علي العكس كمان فتح زيها زي الحكومات العربيه في التخاذل , لان السلام عمره ما جاب نتيجه
" ما اخذ بالقوه لا يسترد بغير القوه "
انا لم اقلل من صمود الفلسطينيين او حماس
لكن كان لابد من ايضاح حقائق معنيه حتي لا تغيب عنا
لا يا سيدي طول براحتك انا اصلا بحب التعليقات الطويله
نورت

Zika said...

اسماء عوني
قولي انتي بقي
رايي في دماغي يا اسما مش عند حد
ومتشكرين يا خالتي عالقايمه البيضا
ترجعي بالسلامه

فتــافيت (رحاب الخضري) said...

لا حول ولا قوة الا بالله

مين قال ان العالم لم يدين اسرائيل؟؟ اي عالم الدكتور ده بيتكلم عنه؟؟
اميركا مثلا وانجلتورا اختصر واقول الفيتو كله
عاااااااد=ي مش منتظر منهم حاجة اصلا
بس لما اسبانيا علاقتها تتوتر باسرائيل علشان غزة ده مش ادانة؟؟
لما فنزويلا تطرد السفير مش ادانه؟؟
لما استراليا تعمل مظاهرات ده مش ادانه؟؟
لما بروكسل تعمل وظاهرات علشان غزة ده مش ادانه؟؟
لما جمعيات حقوق الانسان كلها تجتمع وتضغط على قاضي اسابنيا علشان يبقى فيه قضية ده مش ادانه؟؟

هي الادانة في رايه ان العالم يحارب اسرائيل؟؟؟؟؟؟؟؟؟؟؟

وبعدين مين قال مافيش نصر سبحان الله الدكتور المحترم بياخد احصائياته من اعلام عقيم

الحقيقي ان في الحرب وفي ارض القتال استشهد 54 مجاهد بس .. قصادهم 210 خنزير

وده مش كلامي انا ده كلام هآرتس اهم صحيفة عبرية يهودية اسرائلية في العالم

المقاومة عددها 10000 فرد نزل منهم 300 فرد بس واستشهد منهم 54 بس .. ده مش نصر يا سيدي الفاضل وهم بيحاربوا باسلحة بدائية وبيحربوا جيش من اهم 5 جيوش في العالم غير انهم نزلوا الجيش الذي لا يقهر

1300 شهيد مدني ده مش عيب هنية ديه قذارة عدو لما معرفش يحقق نصر عسكري قال يحقق خساير علشان الناس اللي يتحكم باكم رجل طارت وكام راس اتقطع النصر .. تبقى اسرائيل كسبانة.. غير ان 1300 شهيد في 23 يوم اتولد قصادهم 4000 مجاهد في نفس الفترة.

لما مونترياااال تتلقى رسايل اغاثة من مستوطنين ستديروت علشان يسمحوا لهم بالهروب والهجرة لكندا ده مش نصر؟؟

بس ما الهجرة كانت للقدس بقت الهجرة من القدس.. ده مش نصر؟؟؟؟؟؟؟؟؟؟؟

وعلى كلام الدكتور المبجل ان لما الجزائر تخسر مليون ونص شهيد علشان التحرير .. يبقى ده مش نصر .. وللعلم الجزائر في يوم واحد بس خسرت 45 الف شهيد.

النصر يا سيدي الفاضل عمره ما اتعد بالضحايا النصر بالنتايج

حماس لها تواجد سياسي دلوقت يمن معتدلين العالم وسيبك من الفيتو

حماس شعبيتها تضاعفت في العالم العربي .. عند الناس الحقانية

المقاومة كانت 10000 فرد قبل المحرقة بعد المحرقة بقت مليون نص غاااااااااوي

واللي متعرفهوش حضرتك ان اسرائيل بالمحرقة ديه غلطت الغلطة اللي كلنا كنا مستنينها لانها كده بقت مجرمة حرب لانها في حالة احتلال .. المحتل فرد عليه وليه واجب انه يحمي المدنين هو بقى حرقهم

وكمان كده هي عملت ضد اتفاقيه روما اللي بتجرم التطهير العنصري واللي اسؤائيل فيها علشان محرقة النازية .. ودلوقتي بقى من حقنا نقاضيها لانها هي طرف فيها والاردن طرف فيها .. فكده الاردن من حقها تقاااااااااضي اسرائيل

وفيه حاجات كتير .. ممكن اثبت بيها النصر

وعلى راي عمر المختاااااااااااااااار

نحن لا نستسلم .. ننتصر او نموت

فتــافيت (رحاب الخضري) said...

اه صحيح

ماعنديش لا قايمة بيضا ولا سودا

بس ربنا يكرمك راجع الحقايق مش الاعلام العقيييييييييييم

احنا شوفنا بعنينا وسمعنا بودانا

غزة ما تهزمتش الهزيمة الحقيقية لغزة

الحصااااااااااااااار مش الحرب

سلام يا باشا

Zika said...

فتافيت
لا حول ولا قوة الا بالله
اولا انا اللي كاتب المقال ماعرفش مين الدكتور المبجل اللي بتتكلمي عنه
اللي كاتب المقال انا ودكتوره فلسطينيه عاشت الازمه .. بعينها بحكم انها كانت في غزه
وتعرف حقايق اكتر مني ومنك ومن الاعلام

لو كنتي اتفرجتي علي المؤتمر بتاع مجلس الامن اللي قرروا فيه وقف القتال كنتي عرفتي ازاي العالم لم يدين اسرائيل واقصد بالعالم هنا الحكومات مش الشعوب .. الشعوب رايها معروف من غير حاجه

المظاهرات كانت في كل حتي حتي اسرائيل ذات نفسها
سيبك من المظاهرات عشان مجابتش نتيجه
وراجعي البوست هتلاقي اني اتكلمت عن التظاهر ده وقلت تظاهر ملايين الاشخاص في العالم

فنزويلا رايها مايهمش العالم ف يحاجه اصلا دول الغرب بيعتبروها من الدول المتمرده يعني كده كده التقدير ليهم جه مننا ومش من حد تاني

الاداني في راي انا والدكتور ان قوات امن من العالم تتدخل لحفظ السلام او علي الاقل القرار كان يصدر قبل كده بشويه مش بعد ما الفلسطينيين يتصفوا واحد ورا التاني

الكدتور المحترم ( اكيد قصدك عليا ) ماجابش ولا احصائيه
هاتيلي احصائيه وحيده في البوست غير عدد شهداء فلسطين

انتي بتقولي استشهد 54 مقاتل من حماس
طب بزمتك ده كلام
وهو انهي ابقي
الف فلسطيني ولا 54 من حماس
بالله عليكي لا تردي عالسؤال ده ؟
عارفه الاجابه
اننا كده هنحسب
الف واربعه وخمسين فلسطيني
ولو ماعندكيش فكره هاارتس جريده معارضه يعني زي الدستور بتعمل من الحبه قبه وامعنا يعني هاارتس هاتقول 210 اسرائيلي
وماحدش تاني يجيب خبر عن الموضوع ده
وحتي مافيش مقارنه بين العدد ده وعدد الفلسطينيين حتي المدنيين الشهداء اللي ماتوا
انتي بتقيسي الحرب بايه ؟
بالشهداء من حماس
وهم يعني بقية الفلسطينيين دول مش شهداء
يعني لو مات واحد من فتح يبقي مش شهيد مثلا
مين اللي صنف اسرائيل من اهم خمس جيوش في العالم ؟

انتي بتقولي ده مش نصر لانهم بيحاربوا باسلحه بدائيه
( متهيالي كده المفروض انا ماردش عالجمله دي )

لا مش نصر
اذا انتي من جملتين فاتوا حسبتي النصر عسكريا بعدد المقاتلين من الجيش
ايه اللي رجعك تاني تتكلمي عن مدنيين
في اسرائيل
عارف هتقوليلي مفيش مدنيين في اسرائيل بس وده اكيد وانا معاكي فيه لكن هم في نظر العالم كده
خلينا واقعيين

وعلي كلام الدكتور المبجل بارضه اللي المفروض انا ودكتوره حسناء

ماشي حلووووو
النصر مش بالشهداء
قوليلي بقي نتائج المعركه ايه عسكريا في صالح فلسطين

يعني المقاومه بقيادة حماس اتحركت عسكريا نحو اسرائيل قد ايه

اللي حضرتي ماعرفوش
ولو اني ماعرفش ايه حضرتك دي
اول مره تقوليلي حضرتك علي فكره
لو علي سبيل الاحترام ربنا يخليكي لو علي سبيل الاستهجان .. كتر الف خيرك
المهم

ربنا يديني ويديكي طولة العمر عشان تفكريني مين هيجرم اسرائيل
ويا تري لو حصل ايه العقوبه المتوقعه
وايه في نظرك يساوي دم فلسطينيين

اخيرا ايه حكاية الاردن دي ؟
ياريت توضيح
وربنا يدينا ويديكي طولة العمر بارضه ونشوف العرب امتي هيقاضوا اسرائيل
او الاصح امتي العرب هيحاربوا اسرائيل

اوك هاتي بقية الحاجات بتاعة النصر دي وانا مستنيكي


إن أسلوبي في المزاح هو أن أقول الحقيقة دائما – إنها أبدع نكات الأرض ( برناردشو )

Zika said...

فتافيت
وحتي لو عندك انا قلت رايي في القوايم
بس ربنا يكرمك انتي يا فتافيت
راجعي الحقيقه
وماتمشيش انتي ورا الاعلام
لان الاعلام يبلعب علي قلوب الناس مش عقولها
واللي كتب المقال دي للمره الاخيره
انا وصديقه
فلسطينيه
الهزيمه الحقيقيه لغزه هو التضليل بان نقول ان هذا كان نصرا
نورتي
وسعدت جدا بمناقشتك
بس بلاش حضرتك دي عشان فيها اهانه شويه
تحياتي

فتــافيت (رحاب الخضري) said...

يا زيكااااااا
انا كنت مسافرة غزة والسفر وقف على اخر وقت .. لكن باقي الفريق سافر واللي بقوله مش كلام اعلامنا خالص .. اعلاامنا اعمى وعيييييقم

ده كلام الصحف الاسرائيلية والناس اللي جوه غزة يا زيكا اهل البلد
وايه المشكلة فلسطينية طيب ما في الضفة اتضامنوا مع غزة بالشمع والتبرعات زي اي حد من بره فلسطين

كبر انت بس دماااغك

وتعالى شوف البوست الاخير عندي
واضحك شوية

يلاااااااموز