Tuesday, November 18, 2008

السر الخطير في تاجير الهرم الكبير

Photobucket
حقيقي اللي بيحصل ده ؟
طب والله قشطه قوي .فيلم عايز حقي بيتحقق يا جدعان. شوفتوا بقي تاثير السينما علي الحياه .. الحكومه بتبيع مصر .. ( للمصريين بس ) وده بيزيد الطين بله
ازاي انا اروح اشتري حاجه هي اصلا بتاعتي
يعني الشركات الحكوميه دي
اصلا
بتاعتي
اروح اشتريها ازاي
هم معقوله وصلوا للعالميه في النصب للدرجه دي ؟
انا متهيالي ان الشيطان معلق بوستراتهم في اوضته وبيعتبرهم مثلهم الاعلي
..
واكيد اكيد اكيد الناس اللي هم
اللي هم هم يعني
هم اكتر ناس هيشتروا وبعد كده مثلا اجي اطلع ال CTA
الاقي واد صغير بيقولي الاجره ب50 جنيه
ماهو اصل بابا اشتري السي تي ايه
..
واشمعنا يكون البيع للي فوق 21 سنه
هو فيلم رعب للكبار فقط ؟
يعني انا ماينفعش اشتري
لازم اجيب حد يشتريلي
عايز اشتم يا جماعه
عايز اسب الدين
عايز اشخر
ماتسمعونا شخره حلوه كده يا جدعان
الحكومه بتبيعلنا بلدنا
يعني مش بعيد بعد كده الاقي واحد بيقولي ايه رايك تشتري شقتكم
او واحد يوقفني في الشارع يقولي تشتري الموبايل بتاعك علي كام ؟
....
وطالما العمليه كده بقي
انا عندي مشروع عايز اعرضه عالحكومه هيجيب فلوس بالعبيط
احنا نأجر الهرم مفروش
بالليله
او بالساعه علي حسب مزاج الزبون
وطبعا الموضوع ده هيجيب فلوس كتيره فشخ
ازاي بقي اقولكم انا ؟
شوفوا كام واحد عربي بييجي مصر عشان يتمسخر
بدل ما يروح اي كباريه في شارع الهرم
اهو يروح الهرم ويعمل واحد في جو تاريخي
شوف بقي عظمة الالهه وكبرياء الفراعنه
شوفوا الاجانب اللي هتيجي تاجر الهرم تعمل حفلات
شوفوا بقي
شوفوا بقي الفلوس اللي هتنزل عالبلد اكتر من قناة السويس ذات نفسها
واهي كلها مشاريع
ماستمعونا بقي شخره حلوه كده

8 comments:

سارة نجاتى said...

شفت بقى أول كومنت ازاى

أنا معنديش أى فكرة عن حوار تأجير الهرم ده , مش عارفة أنا اللى نايمة و الموضوع هو اللى جديد , يعنى عاوزين يأجروه ازاى يعنى , كل بلد ح تستلفوا شوية , و لا ح يعملوه قاعة أفراح ؟؟.
تصدق أنا بقيت بلاقى حاجات كتير تعكنن عليا , شفت فيلم "ماميا" , نفسى بجد أعيش جواه , أرقص و أغنى حتى فى الأمور اللى المفروض أعيط و أولول عليها , و أعيش فى جزيرة زيها , بس تصدق يا زيكا غالبا كده دى مش طبيعة شخصيتى , مش فى نقطة التهييس ,أنا بهيس ساعات , بس مش بتاعت عزلة و جزر و الجو ده .



شكلى كده كنت عايزة أتكلم و خلاص

تحياتى ليك يا معلم

Zika said...

ساره نجاتي
ساره باشا
منوره باول كومنت يا فندم
وبالنسبه لتاجير الهرم الكبير ده يارب تكوني بتهيسي
لان انا كان كل غرضي تهييس مش اكتر
يعني هم مش هيبيعوا الهرم ولا حاجه دي مبالغه نقديه مني مش اكتر
وبالنسبه للفيلم انا بقي نفسي امثل فيه
ماعرفش انتي تعرفي ولا لأ بس انا مصمم رقصات
تحياتي يا ساره
وكل ما تحبي تتكلمي تعالي في اي وقت
وعلي فكره انا كنت لسه داخل مدونتك لقيتك هنا
دايما كده سباقه
نورتي

Unknown said...

ههههههه شكلهم هايأجرولك اوضه حلوه كده في معتقل تاريخي تسمع فيه كل الي ف نفسك يا زيكا

بوست جميل

Zika said...

emy
ليه بس كده يا ايمي
ده انا حتي بحب الحكومه
نورتي يا ايمي

سارة نجاتى said...

بجد والله ؟ رقص من أى نوع ؟ طول عمرى كان نفسى أتعلم رقص , بس مخشبة , معنديش أى مرونة , ده أنت تلاقيك اتمزجت من ماميا ده , أنا مش متخيلة أبقى مش عارفة أبويا و عمالة أرقص و أغنى زى ما فيلم , حقيقى مبهج أوى

Empress appy said...

على فكره هو فيه مصيبه ابعد ايه هى هتظهر بعدين لانى مش عارفاها بس هو احساس

Zika said...

ساره نجاتي
انا مدرب رقص
ومصمم رقصات
بدرب
صلصا
تانجو
هيب هوب
ولسه من قريب مخلص تصميم كليب كندي لباند كندي اسمه ( زا كاناديان سول ) في اول كليب ليهم وكان تصميم الرقصه
هيب هوب
وممكن لو دعبستي في البوستات القديمه عندي هتلاقي في الارشيف مواضيع عن الحوار ده
وبالنسبه للتخشيب اللي عندك
فده طبيعي لاي حد مش رياضي او مش متعود علي فكره الرقص نفسها
او اول مره يرقص
( وطبعا علي حسب نوع الرقص )
علما باني لا افقه شئ في الرقص الشرقي ( للتوضيح مش اكتر يا ساره عشان فيه ناس بتفهمني غلط)
:D
تحياتي يا ساره

Zika said...

appy
ربنا يكدب احساسك ويسترها يا آبي