Saturday, July 19, 2008

مصر وايران

حاجه غريبه
مين المستفيد في وجود خلاف وهمي بين مصر وايران ؟
واذا كانت الحكومه وبعض الجهلاء معترضين علي فيلم بيوضح موقف الايرانيين من السادات
ليه ما حدش اعتبرنا معندناش دم و بلاوينا الكتير اوي في نقد المصريين الدائم لآية الله الخميني اللي هو قائد الثوره الاسلاميه الايرانيه
هو يعني الخميني كوخه والسادات هو اللي صح الصح ؟
انا متهيالي ان دي تناكه مصريه فارغه
وابتكار خلاف مصري ايراني في هذا التوقيت لعبه مكشوفه اوي وغبيه جدا ومايصحش نبقي دلاديل كده ونمشي ورا كلام اي حد
هل الحكومه مع الناس بالغباء ده
ولا هم بيستعبطوا ؟

2 comments:

break said...

اقطع دراعى لو كنت فهمت حاجة


هو ايه اللى حصل

Zika said...

break
احم احم
بصي يا ستي
دلوقت ايران عملت فيلم من انتاجها بتسئ فيه لشخصية انور السادات
( الله يرحمه ماطرح ما راح)
ومصر طبعا واخدها علي خاطرها من ايران
وازاي ايران تعمل كده
واما قليلة الاصل صحيح
رغم ان مصر بتشرد دايما لقائد الثوره الاسلاميه الايرانيه
وهكذا
يعمي مالناش حق اننا نزعل
قوم ايه بقي ؟
مصر المفروض هتلعب ماتش كوره مع ايران ماتش ودي يعني
لكن مصر بقي اما زعلت الحكومه قالت للمسؤلين بتوع الكوره
ماتلعبوش مع ايران وخاصموها
فاتحاد الكوره قرر الغاء الماتش الودي
رغم ان فيه قرارات من الفيفا ( اللي هي المسؤلين بتوع الكوره عن العالم كله) بتمنع الغاء ماتشات لاسباب سياسيه
وده بيفسر اخر مقالين انا كاتبهم
وبس
ايه رايك كده بقي ؟
:)