Wednesday, July 2, 2008

انا واعوذ بالله من قوله انا

تحديث ولا مؤاخذه
المدونه ترحب بالبذائات طالما انها في سياق الموضوع بعيدا عن سب الاشخاص بصفتهم
يعني
( انا ما بتباسش بوس الا لو كان في سياق الدراما )
( اشتم براحتك بس ما تشتمش حد )
في الفتره الاخيره بدات اسمع كلام تقيل علي قلبي بيقول اني سلبي وماليش موقف وباحب ارضي جميع الاطراف
ونظرا لان ده مش حقيقي كان لازم اعمل البوست ده
واعلن مواقفي من شوية حاجات موجوده دلوقت علي الساحه
انا اعلن واقرر واشجب واندب واصوت وارردح واشخر وازعق باعلي صوت واحب ولاول مره علي الفضائيات وحصريا
وبعد ما مسحت تعليقات كتير بسس الجمله السخيفه بان انا سلبي
احب ازعق واقول
اني ضد تصدير الغاز لاسرائيل
انا ضد اي حركات سياسيه جديده
ضد اي عنف في المظاهرات
ضد التعميم علي اي شئ سواء المنقبات او المحجبات او الاخوان او المصريين او او المصريات او الطلبه او المعارضه او الصحافه او اي بتنجان مقليا كان او مشويا
بمعني اني ضد فكرة التعميم حرفيا
انا ضد الشذوذ الجنسي جملة وتفصيلا لانه ببساطه
" gay is not god way "
ومش معني اني ليا " معارف " مثليه سواء ذكور او اناث الا ان ده مايمنعش ان هم نفسهم عارفين موقفي من الشذوذ الجنسي
انا ضد ربط العلمانيه بالالحاد ماعنديش مش كله مع العلمانيه لكن اكيد عندي مشكله مع الالحاد وده لا يمنع احترامي ليهم
ضد فكرة الربط بين اليهوديه والصهيونيه
من حقي اكره الصهاينه
ومن حقي اقول ان مش كل يهودي اسرائيلي
وان مفيش مشكله بيننا وبين اليهود
الازمه والغل والحقد لازم تكون موجوده بيننا وبين الصهاينه مش اليهود
وباتمني عودة اليهود المصريين او اليهود اللي من اصل مصري لمصر
انا ضد فكرة ان فيه اضطهاد ضد المسيحيين في مصر
( الاضطهاد ضد المصريين)
ومفيش ظابط شرطه يعذب واحد عشان مسيحي .. واكتر الناس المسحولين في الاقسام مسلمين ويمكن ساعات امن الدوله بيخافوا يعملوا مشاكل طائفيه فبيضرطوا انهم ياكلوا المسلم افيين عشان ما يتقالش انهم بيضطهدوا الاقباط
واظن ان المصريين مش متدينين لدرجة انهم يبقي عندهم تعصب ديني
" واظن كمان ان " معظم " الناس اجبن من انهم يصارحوا بكراهيتهم لطائفه اخري او انهم يبدوا سبب لهذه الكراهيه "
وكل ده تعتيم حكومي علي المصايب اللي بتحصل في البلد
انا ضد اي تجمعات تدوينيه تحدد ايه اللي المفروض اقوله او لأ
انا اصلا بدون عشان ميبقاش عليا رقيب
انا ضد رقابة الداخليه والنقابه علي الافلام
لا رقابة علي الابداع
لا رقابة علي الفن
وضد الرقابه العمريه كمان
وفي نفس الوقت ضد افلام الهلس وعلي سبيل المثال لا الحصر ( السبكي واخوانه ) بمعني اني ضد الاسفاف عشان ما يتلككوش ويقولوا نعمل رقابه عشان نمنع الاسفاف
انا ضد الاخوان حتي يعلنوا موقفهم من السينما والفن والمسيحيين وحينها يا اما ابقي معاهم او ابقي مش معاهم زي مانا
انا ضد التحرش الجنسي .. عيب بقي اتكسفوا علي دمكوا
انا مع الزواج المبكر مع مراعاة الفروق العمريه
" يعني مش واحد عنده 60 سنه يتجوز واحده عندها 16 سنه ويقولي جواز مبكر "
انا قصدي بالزواج المبكر ان الاتنين يكونوا صغيرين
انا ضد برنامج الحقيقه واظن ان وائل الابراشي مش بيدافع عن مصر وبيدي فرصه اكبر للطائفيه انها تبدا تبقي موجده في مصر بالناس المعفنه اللي هو بيجيبهم في البرنامج
وعلي راسهم
الجدع اللي اسمه مايكل منير ده
وفي رايي المتواضع ان اقباط المهجر بيسترزقوا من الحوارات دي اوي
انا ضد الحكومه بكل افرادها وحاشيتها وضد التوريث في اي مجال في مصر
انا ضد الواسطه والمحسوبيه والجدعنه والهروله تجاه التهريج بدلا من النظام وده كلام مش جديد
النظام ثم النظام ثم النظام
وللحديث بقيه

13 comments:

break said...

تشرفنا

:D

Zika said...

break
الشرف ليا انا يا بيه
:D :D

Anonymous said...

OBJECTION

ههههههههههههههههه
لا يا صاحبي بص فيه كام نقطة انا مش معاك فيهم خاااالص معلش :)

*
انا ضد ربط العلمانيه بالالحاد ماعنديش مش كله مع العلمانيه لكن اكيد عندي مشكله مع الالحاد وده لا يمنع احترامي ليهم

يا صاحبي العلمانية فكر جديد بيدعوا لمسح و مسخ الهوية للشعوب
يعني بينسيك دينك و أخلاقك و مبادئك اللي بتكيزك كعربي و مسلم عن الغرب

تفتكر انا ممكن أوافق عليه ؟

أما الإلحاد فكلنا ضده ذوق و عافية :D

*
ضد فكرة الربط بين اليهوديه والصهيونيه
من حقي اكره الصهاينه
ومن حقي اقول ان مش كل يهودي اسرائيلي
وان مفيش مشكله بيننا وبين اليهود
الازمه والغل والحقد لازم تكون موجوده بيننا وبين الصهاينه مش اليهود



أمممممممممممممممممم

الحوار القدييييم المعفن اللي مش بحبه :(

بص يا صاحبي اليهود دول شعب ربنا منعانا إنننا أصلاً يكون بيننا و بينهم عهد ,سواء سمناهم صهاينة ولا ماثون ولا قرد بزلومة

مافيهاش فصال

صحيح ربنا قال:
"لكم دينكم و لي دين"
بس دة مش معناه إننا نبقي مصاحبينهم و راضيين بيهم بس مش نتدخل في الدين

لأْء

ماينفعش الكلام دة برضو انا أسف انا


ضد أي يهودي أياً كان إتجاهاته الفكرية

الموضوع مش شخصي علي قد ما هو مسألة عقيدة و مبدأ


*
انا ضد رقابة الداخليه والنقابه علي الافلام
لا رقابة علي الابداع
لا رقابة علي الفن
وضد الرقابه العمريه كمان


:D لا مش معاك بقي

بص انا مش ممكن أخش فيلم مع عيلتي و فيه مناظر مش تمام و أخواتي البنات ولا الصغيرين معانا مش منظر ولا اخلاق
وكمان مش هاسمح بواحد سقول لفظ فيه كفر أو سب بلفظ بذئ و انا أتفرج علي فنه و أقول الله إبداع
لأء
انا كمان مش مع دة خاااااالص

إحنا عرب مسلميييييييين

مش عايزين ننسي دة

اللي يتعمل برة مش بتاعنا و هم مش بيفهموا أحسن مننا
هم لو يطولوا يربطوا مجتمعهم زي ما عادتنا حكمانا والله كانوا عملوها بس كبرياء منهم و انت المفروض فاهم دة يا
باشا :)


بس ماقدرش أخالفك في الباقي


100%

mostafa rayan said...

وانا معاك في اغلب ماتقول

Desert cat said...

ده انت شايل فى قلبك اوى يا زيكا
كل ده علشان حد قالك انت سلبى
يابنى لا يحدف بالطوب سوى الشجرة المثمرة يعنى اللى يدخل يقولك اى كلمة مالهاش لزوم ده واحد قلبه النار مولعه فيه وده فى حد ذاته اكبر عذاب ليه يعنى
المهم
فين الشاى ولا مش بتدقموا حاجه لزوار المدونة

EGYPT EYES said...

كل دي عصبيه ):
على اي حال طالما بتقول رأيك حتى لو كان مختلف ينفي عنك تهمة السلبيه
تحياتي ياعزيزي

Zika said...

nubian prince
يالهوي هو انا هرد علي كل ده
ماشي يا عم احمد تحت امرك هو انت بتنورنا كل يوم !
:D
يا سيدي امرك ... أمرك يا سيدي
يا صاحبي العلمانية فكر جديد بيدعوا لمسح و مسخ الهوية للشعوب
يعني بينسيك دينك و أخلاقك و مبادئك اللي بتكيزك كعربي و مسلم عن الغرب

تفتكر انا ممكن أوافق عليه ؟

أما الإلحاد فكلنا ضده ذوق و عافية :D


انا يا صاحبي مش علماني بس انا موافق علي وجود العلمانيه في حياتنا والاختلاف ضروره لابد منها عشان ما نبقاش روتينيين ومملين ومخنا يتجمد من كتر التقفيل
:D

الحوار القدييييم المعفن اللي مش بحبه :(

بص يا صاحبي اليهود دول شعب ربنا منعانا إنننا أصلاً يكون بيننا و بينهم عهد ,سواء سمناهم صهاينة ولا ماثون ولا قرد بزلومة

مافيهاش فصال

صحيح ربنا قال:
"لكم دينكم و لي دين"
بس دة مش معناه إننا نبقي مصاحبينهم و راضيين بيهم بس مش نتدخل في الدين

لو كان كلامك صحيح يبقي ليه الرسول عاش معاهم وامنلهم مره واتنين قبل ما يخدعوه ويخونوه وفي العصور الاسلاميه كلها ولحد حرب 48 اليهود المصريين كانوا عايشين في مصر عشان دي بلدهم زي ماهي بلدنا
وماينفعش ننكر دور اليهود المصريين في حاجات كتير اوي في مصر زي السينما والتليفزيون والتجاره ومجالات كتير وانا متهيالي لو اليهود كانوا لسه في مصر اعتقد كنا ممكن يبقي فيه ايجابيات اكتر لان اليهود بيحبوا نفسهم وبيحبوا البلد اللي هم عايشين فيها اكتر من اي حاجه وده كان هيبقي مفيد لبلدنا
بص انا مش ممكن أخش فيلم مع عيلتي و فيه مناظر مش تمام و أخواتي البنات ولا الصغيرين معانا مش منظر ولا اخلاق
وكمان مش هاسمح بواحد سقول لفظ فيه كفر أو سب بلفظ بذئ و انا أتفرج علي فنه و أقول الله إبداع

بص يا احمد معلش احنا في مصر مفيش حد صغير ولا كبير مش فاهم الشتايم او الالفاظ اللي بتتقال دي معناها ايه وموقفها ايه
مش هنعمل نفسنا مش واخدين بالنا ونقول ياااه هو ازاي قاله ينعل ابوك
وتلاقيهم خارجين من السينما بيسبوا لبعض يعني عايزين نبقي الالفاظ جوه الافلام لأ لكن في الواقع حلال ؟!
السينما هي محاكاه للواقع وطالما الواقع فيه كده يبقي لازم كمان المحاكاه تبقي فيها كده سواء بمشاهد جنسيه مبرره في الفيلم او الفاظ خارجه او مواقف الحا او كفر او شذوذ
كل حاجه موجوده في الواقع مسموحلها بانها تتنقل زي ما هي بدون رتوش للسينما
بس ماقدرش أخالفك في الباقي
باقي ايه يا صاحبي انت خليت
هههههه
نورت يا معلم

Zika said...

mostafa rayan
طب تمام اوي
نورت يا ريس

Zika said...

desert cat
اصل الكلمه نرفذتني اوي خصوصا لما سمعتها كام مره كده
اتمني اني اكون فعلا شجره مثمره
واتمني انه يكون بيتعذب بارضه :D

لا لا لا ازاي يعني مش بنقدم حاجه اكيد بنقدم
بس شاي ايه في الحر ده
هاتلي خمسه ليمون ساقع هنا يابني لقطة الصحراء وصلحه
وطبعا طبعا كل ضيف او زائر بيحاسب وهو خارج .. انتي عارفه بقي ظروف الشعب صعبه
:)
نورتي يا قطة

Zika said...

egypt eyes
اصل الناس بتفتكر عشان الواحد طيب
يعني ومش بتاع مشاكل
:D:D
انه سلبي
تحياتي يا باشا

Anonymous said...

لالالالالالالالالالالالالالالالالالالالالالالالالالا
الحوار بينا شكله مطول يا كبير :D


نرجع للـ3 نقط سبب الجدل واحدة واحدة عشان أوضح أكتر بس يانفعش أختصر للأسف هاقرفك برغيي :D
المهم .....



1- انا موافق علي وجود العلمانيه في حياتنا والاختلاف ضروره لابد منها عشان ما نبقاش روتينيين ومملين ومخنا يتجمد من كتر التقفيل
:D




و يا صاحبي هو كل فكر جديد نرحب بيه و ناخده في حضن البلد و نقول له أهلاً ؟؟

هي مش المشكلة في كون إننا نكون من أن إحنا من اتباعه الفكر ولا لأء
بس المشكلة كون إننا نرحب بيه كدة من غير فلترة مش عشان معقدين لأء لأن الدين ببساطة مش بيئمرك كمسلم في بلد مسلم غير إنك تعمل اللي أمرت بيه الأمر بالمعروف النهي عن المنكر (و مالنش دعوة بالحكومة و دورها في دي فكك ) و دة بصراحة لما يخش فكر زي دة بعبله يبقي منكر بس مش نحاربه بطريقة عادل إمام في فيلم الإرهابي لأن المسلمين مش كدة ولا كانوا كدة
و الدين اللي مهمشينه دة مش لبة ولا شئ ثانوي عشان يستهان بيه كدة هو ما منع إلا ليحمي و يعدل و انت أعلم مني كمان بدي





2- "يبقي ليه الرسول عاش معاهم وامنلهم مره واتنين قبل ما يخدعوه ويخونوه وفي العصور الاسلاميه"


"انا متهيالي لو اليهود كانوا لسه في مصر اعتقد كنا ممكن يبقي فيه ايجابيات اكتر لان اليهود بيحبوا نفسهم وبيحبوا البلد اللي هم عايشين فيها اكتر من اي حاجه وده كان هيبقي مفيد لبلدنا"






سميني عنصري في رأيي دة معلش مش مهم بس انا مؤمن باللي هاقوله ,
أولاً: الرسول بعد ماتكوي منهم كتير حذرانا صرااااااااااحةً بأن لا نتخذ مع اليهود عهداًمش هانجرب تاااااااني من الأول اللي حصل له عشان نتأكد كلامه صح ولا غلط
أظن محدش بيخترع العجلة مرتين
انا بطور الإختراع بس عشان يبقي موتسيكل ,يعني الروسول عليه الصلاة والسلام يقول مافيش عهد نقول أمييين لأنه من تجاربه قالها ,والتطوير إننا ندرس بشكل علمي من خلال(السيرة و علم الأنثروبيولوجي و التاريخ و غيره )سبب الرسول قال كدة ليه عشان كلامه هايتأكد كعلم كمان و دة انا شفته بعيني .......


ثانياً: بقي يا راجل يا طيب اليهود لو كانوا لسة في مصر كان حالنا هايبقي أحسن :D
ههههههههههههههههههههههههههههههههههه
ياخي عيب عليك ماتقولش كدة ,انت مصري يعني هاقول 3000 سنة بتطفح الدم بسبب اليهود مش من يوم ولا 2
مش هاتكلم عن خياناتهم لمصر من أيام الفراعنة عشان محدش هايصدقها و لأن الملوك بعدها ذلهوم و أخدوا أكتر من حقهم منهم

بس نتكلم في القريب ,عهد الثورة و حرب أكتوبر يا جميل
هاديك مثال واحد عشان ترسم عليه ألاف الأمثلة من اليهود و تصدق إن وجودهم بيننا لعنة والحمد لله ربنا رحمنا منهم عقبال فلسطين
تعرف "راقية أبراهيم" ؟؟ ولا أقول "راشيل ليفي"؟؟؟

دي سابيت البلد مع أول مكالمة من "إسحاق رابين" و جالها و خدها أمريكا قبل ما يخترعوا إسارئيل وأتحطط ممثل لإسرائيل في الأمم المتحدة و طلعت (تووووووووووت) مصر وفشخت (تووووووووووووت) أبوانا من برة وصوتت ضدنا مليون مرة عشان تضيع مصر في عز الحرب ماكانت شغالة و غيرت ولائها في غمضة عين
طب ليه ؟
مصر أذتها في إيه ؟
خليناها نجمة و فنانة كبيرة وأدي رد الجميل .....
طبعاً فيه مثال علي النقيد و هي ليلي مراد بس كلنا عارفين إنها والله أعلم أشهرت إسلامهابعد وفاة جوزها (مش متأكدين من المعلومة دي) بس هي مثال محترم لليهود او اليهودي السابق في مصر مع إنه برضو كان ليها جانب مش تمام و إنها كانت بتبعت تبرعات سرية لإسرائيل و منظماتها الصهيونية لغاية قبل معاهدة السلام ...!

عشان دا حوار هاكتب فيه تدوينة لوحده أسيبك مع الرابط دة:

http://www.almujtamaa-mag.com/Detail.asp?InSectionID=77&InNewsItemID=121686


3- في مصر مفيش حد صغير ولا كبير مش فاهم الشتايم او الالفاظ اللي بتتقال دي معناها ايه وموقفها ايه
مش هنعمل نفسنا مش واخدين بالنا ونقول ياااه هو ازاي قاله ينعل ابوك
وتلاقيهم خارجين من السينما بيسبوا لبعض يعني عايزين نبقي الالفاظ جوه الافلام لأ لكن في الواقع حلال ؟!



ماشي كلامك ,بس لما أمنع طفل إنه يسمع الفيلم الفلاني عشان مايلقطش كلمة غير اما يسمع من الشارع

الممثل يا مدحت للطفل بيكون مثل أو قدوة ,و الطفل مش بيميز إن دة تمثيل ويقول لك الفنان فلان ولا الفنانة فلانة قالت و عملت و باسوا بعض و حصل كذا و كذا ماعملش انا ليه بقي ؟

دة مش تخلف دي برائة طفل بيتم إعدامها
عشان كدة أنا مع الرقابة علي الفئة العمرية علي الأقل , اما أخويا الصغير و أبني يشوف في الشارع أقدر أقوله اللي شفته دة حرام أو غلط و أفهمه بهدوء ليه ,لكن لو فيلم هايقولك ما الكل بيشوف يبقي مش غلط

ياريت تفهم إن الطبيعي في البشر إن أخلاقهم تكون محترمة وقويمة و نحاول نحقق دة في أكحل الظروف, و مش معني إن المجتمع فيه فئات ضالة و منحرفة الله أعلم السبب ظروف ولا مزاج ولا أياً كان يبقي نسمح لولادنا يشوفوا دة ويحسوه عاااااادي و طبيعي لأنه جزء من الواقع

مانخليهم يشوفوا جزء عدل بدل القرف دة ماهم اما يكبروا هايتنيلوا ويشوفوا البلاوي كلها
عالأقل مش هاربي عييل سافل ولا بيعمل الإنحطاط دة في حياته و كأنه طبيعي


الواقع مش هو الصح ولا الطبيعي ولا اللي المفروض يكون

Anonymous said...

Sorry
معلش يا كبير :D


كتبت فوق مدحت بدل ممدوح :P

أصلي كنت مشغل الحوار بين مدحت صالح و منير وانا بردعليك :D


Sorry Ya Man :D

Zika said...

nubia prince
يا عمنا ممدوح مدحت .. كله واحد المهم ان انت كويس :D
يكول يا بوب وماله احنا ورانا ايه
1- لإكر العلمانيه مش وباء يا ابو حميد اقرا عنه زياده هتلاقي انه مش فكر شبيطاني ولا حاجه ومش بيتعارض مع الدين
انا مش بقول ان كل فكر جديد موحب بيه لكن طالما مافهوش ضرر يبقي ايه المانع ؟!
وبعدين انا مش بقول ندور عليه ونجيبه
انا بقول طالما الفكر موجود ما نعاديهوش

2- انت بنفسك ذكرت مثال كويس ومثال وحش , وياما مسلمين خانوا مصر ومسيحيين كمان
نمشي بقي المسيحيين ونمشي المسلمين ( ما تربطش مواقف شخصيه بمواقف جماعيه )
ولو كلامك صح
ليه اليهود ما اطردوش من مصر طول الفتره دي من ايام الرسول لحد 48 اكيد لو كان الدين بيقولنا نبعد عن اليهود كان من باب اولي ما يبقاش فيه يهود في العصور الاسلاميه

3- ماشي كلامك سليم
بس ممكن اتفق معاك في الرقابه العمريه بس علي الاقل تبقي فوق 15 او 16 سنه مش 18
لان انا لسه تامم 18 السنه دي
يعني معني كده ان قبل كل ده كان مجرد حبس ليا رغم اني كنت اقدر اتفرج واميز واقول ايه الصح وايه الغلط
....