انا كنت عامل موضوع اسمه التوراه ام الانجيل ام القران
وكان في رد ل مارفل
كتبلي الايه دي
سورة المائدة الاية 48
لكل جعلنا منكم شرعة ومنهاجا ولو شاء الله لجعلكم امة واحدة ولكن ليبلوكم في ما اتاكم
فاستبقوا الخيرات الى الله مرجعكم جميعا فينبئكم بما كنتم فيه تختلفون صدق الله العظيم
ياريت اللي مقراش الموضوع يقراه قبل ما يكمل هنا
..................................................
الموضوع ده خلاني افكر كتير واراجع نفسي بالنسبه لنقطه واحده بس اللي هي عن اننا
منعرفش ايه الدين الصح من الغلط وكلنا ماشيين
اه طبعا لازم محدش يكفر حد وربنا خلق فينا العقل عشان نفكر بيه..مش نكفر بيه..كل
واحد ربنا يحاسبه في الاخر
.....
................
لكن النقطه اللي لما اتكلمت فيها مع وسام صاحبي قدرت استوعبها وفكرتي تتغير
يعني لازم الانسان يقتنع بان فيه دين واحد صح
واللي انا اقتنعت بيه بتفسير الايه دي.ان الاسلام هو الصح
وانا هحطلكه المحادثه زي ما هي بس هشيل ردودي لان مالهاش لازمه وهسيبلكم شرح وسام للموضوع
.....................
ولكل جعلنا منكم شرعه ومنهاجا..دي اول جزئيه هنمشي عليها
شرعه...الكلام هنا عن كل امه نزل عليهم رسول من عند الله مش الناس اللي عايشين في زمن واحد...او مش احنا
شرعه : يعني شرع وقوانين اللي المفروض يتبعها كل قوم.. زي سيدنا موسي قومه اليهود.. وسيدنا عيسي النصاري.. وسيدنا محمد المسلمين
كل واحد من دول ربنا نزل معاه ومن خلاله شرع للناس تمشي بيه.وفيه بينهم هم التلاته حاجات مشتركه .بس مثلا سيدنا موسي التوراه اتحرفت..ف ربنا بعت سيدنا عيسي بالانجيل..اتحرف..فبعت سيدنا محمد بالقران وقال ان محدش هيعرف يحرفه المره دي.لان هو حفظه بنفسه... ده تفسير كلمة شرعه
======================================================
منهاجا : ليه ربنا سبحانه وتعالي ماقالش شرعه ومنهاجه .. لان الشرع ده هو اللي انتوا المفروض تعملوه ( ممكن اه وممكن لأ ..انتوا بتختاروا)
لكن المنهاج هو واحد بيبدا بالايمان بشئ . وهيفضل معاك علي طول مش بتغيره.
يعني حاجه مفيش فيها اختيار( زي مثلا ...وجود ربنا او عدم وجود ربنا)
عشان كده ربنا قالها واضحه جدا .شرعه ومنهاجا...كل واحد ليه قوانينه بس في الاخر المنهج واحدوهو اللي احنا موجودين اصلا عشان نعبد ربنا سبحانه وتعالي الواحد الاحد
=====================================================
ولو شاء الله لجعلكم امة واحده :
طيب لو هي سهله اوي كده امه واحده بتتبع رب واحد بدين واحد .يبقي ليه ربنا اصلا خلا ابليس يغوي ادم وحواء.. وليه ربنا خرجهم من الجنه..ماهو ربنا سبحانه وتعالي قادر علي كل شئ .. كان خلانا في الجنه وخلاص
مكانش بقي فيه لا يوم قيامه ولا حساب ولا جنه ولا نار.
هو قادر علي كل شئ لو انت مؤمن بربنا سبحانه وتعالي وحتي لو مش بتتبع اي دين هتتاكد انه قادر علي كل شئ
طب ليه معملش امه واحده ؟
ربنا اداك السبب علي طول ...... ""* ولكن لنبلوكم فيما اتاكم
انا بعتلكوا انبياء كذبتوها .بعتلكم كتب حرفتوها .طب خلاص اخر حاجه عندي اهي.اخر كتاب اهو..واخلقتلكوا عقل تفكروا بيه .وتقيموا الاشياء.
ومديلكوا فرصة حياه تفكروا فيها وعندكوا عقل تقرروا بيه الصح من الغلط ..
دلوقت احنا بعد 6 قرون معندناش لا نبي ولا رسول بس عندنا عقل وكتب وتاريخ ونت , لو انا حسيت للحظه ان في حاجه غلط مش او مش مظبوطه. طب مانا اشغل عقلي . وادور لحد ما اعرف فين الصح وفين الغلط .
حياة الانسان ابتلاء للانسان من عند ربنا سبحانه وتعالي , اختبار انت عايشه عشان يوم القيامه تقف قدام ربنا هيسالك ليه انت مؤمن بيه وليه يا ممدوح اختارت الاسلام مش المسيحيه او اي حاجه تانيه .
وهيبقي مستني رد .والرد ده مش هتالفه لو انت مش متعود عليه ومش طالع من قلبك اللي امنت وحسيت بيه سواء بالاسلام او المسيحيه هينطق
عنيك اللي قريت وشوفت بيها القران هتنطق
ودانك اللي سمعت بيها كلام ربنا وخطب ودروس واحاديث هتنطق .. ودي بقي
<ولكن ليبلوكم فيما اتاكم>
================================================
فاستبقوا الخيرات :
دوروا علي الصح الغير مشكوك فيه
الي الله مرجعكم جميعا :
هتيجوا تقفوا قدامي
لينباكم بما كنتم فيه تختلفون :
وساعتها هقولكم مين كان صح ومين كان غلط , بس مش هيبقي فيه عزر للي كان غلط ..عارفين ليه ؟
عشان اديتلكوا كل الوسائل اللي تقدروا تفرقوا بيها بين الصح والغلط
5 comments:
انا طبعاااااااااااا مكسلة اقرأ
الترجمة هتنزل امتى؟
يالهوووووووي
هترجم كل ده
حاااااضر
تمت الترجمه بناء علي رغبة الجماهير اللي هم بريك يعني
ربنا يخليك
اانا عارفة انى تعبتك بجد
بس طبعا تعبى راحة :)
لا بجد متشكرة اوى اوى اوى
و الموضوع فعلا يستاهل
ربنا يجعله فى ميزان حسناتك
و جزاكما الله خيرا
انت ووسام :)
طبعا طبعا تعبك راحه يا بريك
العفو والحمد لله ان الموضوع عجبك
وجزانا وجزاكي كل خير
:)
Post a Comment