للكبار فقط

كلمة للكبار فقط بقيت اشوفها علي اي فيلم مش ناقص غير افلام هنيدي كمان اللي ناقص يقولوا عليها للكبار فقط بارضه , رغم انك لما تدخل الفيلم تلاقي بؤين حمضانين مالهمش اي معني او معناهم خفي من حيث يعني انهم يبانوا انهم بيفهموا وكله عايش في دور يوسف شاهين .....

دايما بلاقي في الافلام حاجه غريبه اوي اسمع قبل ما ينزل الفيلم ان فيه مشاكل مع الرقابه كبيره جدا .. وبعد اما ادخل الفيلم الاقي المشاهد الخارجه موجوده ومفيش اي مشكله والحياه حلوه .. الله ده علي كده الرقابه متفهمه اهو اومال ايه ؟

اقولكوا انا اومال ايه رغم انها مش محتاجه نباهه يعني اي حد يفهمها

الحقيقه ان الرقابه ما بتبقاش علي المشاهد الخارجه بالعكس انا حاسس ان الرقابه بتنبسط من الحوار ده لكن الرقابه بتبقي علي جمل سياسيه تتخطي الحدود الحمراء الحدود الحمراء طبعا اللي مش ضمنها الجنس خالص عشان ماحدش يضحك عليكوا

الخطوط الحمرا هي الدين والسياسه فقط

بدليل ان فيلم حين ميسره اتشال منه حاجات كتيره بذلة لسان من خالد يوسف لكن من غير ما تتشال منه مشاهد سميه الخشاب

فيه مشكله في عقول الرقابه ازاي بيقولوا ان افلام اليومين دول بقت تتركز علي المشاهد دي .. كانت فين الرقابه في افلام السبعينات والتمانينيات لحظي السئ اني بقابل بالصدفه كل ما اتنيل اقعد علي التليفزيون افلام من النوع اللي هي بتبقي لونها مصفر دي ايام ماكانش فيه في مصر الوان غير اصفر واحمر .. كنا يادوب الالوان دخلت السينما العالميه بقالها قرنين بس مش كتير يعني

نرجع لموضوعنا .. ايه مفهوم الرقابه علي المشاهد الجنسيه

يعني هل هو لبس معين للست او للراجل

ولا علاقه بين الاتنين ويا تري ايه حدود العلاقه دي

حاكم انا اصلي عمري ما شوفت فيلم لعادل امام او نور الشريف او محمود عبد العزيز والتلاته دول بالذات .. مافيش فيلم غير لما بلاقي فيه مشاهد ماحدش بيقدر يعملها دلوقت ولو اتعملت بنلاقي ضجه كبيره

هل زمان كنا متفهمين ودولقت متخلفين ولا العكس

مين اللي حط الخطوط الحمرا , وليه يبقي فيه خطوط حمرا هو احنا ضالين يعني ومش عارفين الصح من الغلط , وفطبعا محتاجين حد يقولنا لا كده عيب وكده كخه وولد .. بنت عيب مايصحش

الرقابه الوحيده اللي ممكن اوافق عليها هي الرقابه العمريه لان اننا في مراحل معينه بنفهم الحياه بزوايا مختلفه عن اللي بنشوفها بيها واحنا اكبر لكن بعد كده .. لا للرقابه ولا للخطوط الحمرا

كلمة للكبار فقط بقت كلمه عاديه هي بس مجرد دعايه مش اكتر عشان تلم اكبر عدد من اللي عايزين يعرفوا ليه لكبار فقط مع ان الفيلم ولا للكبار فقط ولا نيله

i just called to say i love you

ستيفن واندرز

i just called to say i love you

1984

تنويه : الترجمه ترجمت دكتور احمد خالد توفيق من موقع بص وطل

شكرا للاخ هووك علي تذكيري

No new year's day
To celebrate
No chocolate covered candy hearts to give away
هذا ليس رأس السنة لنحتفل به
وما من قلوب من الحلوى مغطاة بالشيكولاته لنمنحها


No first of spring
No song to sing
In fact here's just another ordinary day
هي ليست بداية الربيع
ولا توجد أغنية لنغنيها
في الواقع هو مجرد يوم عادي آخر


No April rain
No flowers bloom
No wedding Saturday within the month of June

هي ليست أمطار إبريل
ولا تفتح الأزهار
هو ليس حفل زفاف في ليلة سبت من شهر يونيو

But what it is
Is something true
Made up of these three words that I must say to you
I just called to say I love you
I just called to say how much I care
I just called to say I love you
And I mean it from the bottom of my heart

اما ما هو حقًا فشيء حقيقي
خلق من هذه الثلاث الكلمات التي أريد أن أقولها لك
لقد اتصلت فقط كي أقول إنني أحبك
اتصلت فقط لأقول كم أهتم بك
لقد اتصلت فقط كي أقول إنني أحبك
وإنني لأعنيها من أعماق قلبي


No summers high
No warm july
No harvest moon to light one tender august night
No autumn breeze
No falling leaves
Not even time for birds to fly to southern skies
هو ليس يوليو الدافئ
ولا هو قمر حصاد يضيء ليلة حنونًا من شهر أغسطس
هو ليس نسيم الخريف
وما من أوراق أشجار تتساقط
ليس حتى موعد رحيل الطيور إلى سماوات الجنوب

No libra sun
No Halloween
No giving thanks to all the christmas joy you bring
ليست شمس برج الميزان
ولا عشية عيد القديسين
ليس هذا عيد الشكر من أجل كل بهجة الكريسماس التي جلبتها لي

But what it is
Though old so new
To fill your heart like no three words could ever do.
I just called to say I love you
I just called to say how much I care
I just called to say I love you
And I mean it from the bottom of my heart.
I just called to say I love you
I just called to say how much I care
I just called to say I love you
And I mean it from the bottom of my heart
Of my heart
Of my heart

أما ما هو فشيء قديم وجديد معًا
يملأ قلبك كما لا تفعل أية ثلاث كلمات أخرى
لقد اتصلت فقط كي أقول إنني أحبك
اتصلت فقط لأقول كم أهتم بك
لقد اتصلت فقط كي أقول إنني أحبك
وإنني لأعنيها من أعماق قلبي

اللمبي خد براءه يا بني ادمين

خلاااااص
القضيه اتحفظت بتاريخ
25-1
والحمد لله

اللي ما يعرفش
واللي مش فاكر

ادي لينك الموضوع
اهو

http://adirector.blogspot.com/2008/08/blog-post_19.html

يعني خلاص يا ناس
ظهر الحق
وزهق الباااااطل ههههه

الباتافيزيقا البعديه . او الوعي المغاير

نعم . إنها المجازات التى نحيا بها

بعيدا عن جوانب اخري من التمركز اللا ذاتي في وعي اخر هو وعي لا تدركه الا اذا كانت هناك بعض جوانب الشعور الداخلي بعدم الراحه نتيجة ارتداء ملابس داخليه غير مريحه , انك اذ تتجول داخل قوقعتك في واقع انشاته لنا بعضا من حواديت العالم السابقه عن وجود لا شعور داخل كل فراغ عقلي كوني . ينبع من تغيير افاق الرؤيه المستقبليه لذات الصوره العقليه المتمركزه في اللا شعور داخل شوارع وحواري وسط البلد

اذن نحن نتفق علي اساسيات التمحور اللا ذاتي في كل غيبوبه فكريه قد ينتج عنها اسلوب باتا فيزيقا مقاس 42 بينما لا نتفق ابدا ولا يمكن ان نتفق في كينونة الوجود اللا محوري عند تقاطع محوري الشمس مع تحالف قوي الشعب العامله بين الواقع الاخر والواقع الحالي نجد بعض النقاط التي يمكن ان نلتف حولها جميعا من حيث تواجد الركائز الثلاثه الاساسيه بين الوعي واللا وعي

الا وهما :

اولا :

تتمثل بوجازة شديدة ، فى طرح كل ماهو انسانى جانباً . أى طرح أنطولوجيا الميتافيزيقا ، وكوزمولوجيتها . حيث تستبدل ميثولوجيا الأنا بمثولوجيا النص . وحيث تؤمن بأنها منطقة اكتشاف ، وتأسيس لعالم جديد عالم ابن وسخه من الأشكال المتغيرة والمتحولة باستمرار . يقاوم فيها النص الترميز كليةً ، ويأبى بإصرار أن يتحول إلى رمز . إلى شىء آخر غير ذاته . فالنص لا يجب أن يعبِّر عن شىء ، بل يجب أن يُنتج شيئاً له صفة الحضور القريب من الحضور الشّيئى وسلامتها ام حسن

ثانيا :

لا بد وان ينتج الكثير من بلح الشام في كل مره تنقطع فيها ايدولوجيات التفكير المنطقي باستمرار ذات الصوره الواهيه عندما تضع تلك العجينه من الافكار داخل الزيت . وعندها فقط يجب ان نعلم تمام العلم انه لا يوجد فرق بين التفكير المنطقي دون النظر الي وعينا المغاير

ثالثا :

الموقف الاستبداهى العميق التَّجذُّر فى منظومة نسيجنا الإدراكى بالإصرار على إحالة كلَّ شىءٍ فى حياتِنا إلى معنىً ، حان الوقت لأن نعيد مساءلته من جديد ونحاول استقصاء لانحوياته المركوزة فى سكونيَّته الثبوتية .ومن نافلة القول : أتساءل هل عندَ التَّمازج الإيغافى لجسديْن مُترعيْن بعرامة الشَّبق والشهوة ، هل يكون هناك مجال للتَّساؤل عن معنىً ؟!

كل هذا واكثر قد تجده في انحوائية الشعب المرجانيه داخل احدي جروبات الفيس بوك اللعينه حيث نجد من هم يتجولون داخل افق اللغه دون ملابس او حتي اندر وير بحثا عن شهره جديده او بحثا عن عالم اخر يجدون فيه انفسهم بعيدا عن هذا الواقع الرائع الذي نعيشه وبدلا من افادة اللغه والادب باشياء لها معني نجد اننا نتوغل اكثر داخل كينونة غريبه من التمحور اللا ذاتي المركزي من حيث الشده و الاستوائي العمودي علي خط الاستواء من حيث الموقع .. وبحثا عن اي ابن وسخه يصدق او يفهم او يدعي انه يصدق او يدعي انه يفهم ما قلته بالاعلي او ما اكتبه بالاسفل او ما كتب هناك علي الفيس خرا

تمت

احا حاجات كتير

الفصل الاول

من حقي انقد اي حاجه بتتعرض قدامي في التليفزيون او في وسائل الاعلام المختلفه واقول بكل حريه ان شيوخ الاسلام بلا استثناء ما بيعجبنيش ولا واحد فيهم , ربما عمرو خالد منطقي شويه وما بيتكلمش في اللي مالهوش فيه لكن بارضه ليه عيوب كتير , ومش حرام ان انا انثدهم .. هم مش ملايكه ولا نازلين من السما دول بشر , وانا من حقي انقد البشر ومهم مش بشر عاديين هم بيعرضوا عليا سلعه وانا من حقي انقد السلعه دي او طريقة عرضها

ولسه مصمم ان مصطفي حسني مسهوك زياده عن اللزوم هو والوليه اللي اسمها عبله دي .. مسهوكين اوي

ومحمد يعقوب ده بيحسسني انه واحد صاحبي انا مخنوق منه .. وكل شويه انت . ايوه انت ويزعق ويعلي صوته

وحتي اللي ما بين دول ودول طريقتهم بتبقي غريبه ويعد يدخل الدنيا في بعضها يخليني مافهمش حاجه

الفصل التاني

للمره الالف

الدين مالوش علاقه بالتحضر

هو فقط من اسباب التحضر , لكن ده مايمنعش الاختلاف بين الاديان

الفكره في تقبل الدين الاخر اجتماعيا لانك طبيعي انك ماتقتنعش بيه دينيا وفكريا وكل حاجه , لان بكل بساطه انت عندك دين غيره هتحتاج الدين التاني في ايه , لكن التحضرفرض علينا اننا نحط الدين في مكانته من غير ما ندخلها في علاقاتنا الشخصيه .... انا مسلم انت مسيحي

انا مش مؤمن بالمسيحيه .. لاني مسلم .. والمسيحي غير مؤمن بالاسلام لانه مسيحي

الفكره في اقتناع الفرد بدينه ان المسيحي معتقد انه دينه مكتمل وبالتالي مش محتاج الاسلام

والمسلم دينه مكتمل بالنسباله وبالتالي غير محتاج للمسيحيه وهكذا

الناس بطلت تفكر بالدين لان الدين هيحطنا في جانب اعداء

وربنا قال

" أنا خلقناكم من ذكر وأنثى وجعلناكم شعوبا وقبائل لتعارفو "

صدق الله العظيم

الايه دي بتعلمنا حاجتين لازم نلغيهم من حياتنا وتفكيرنا

اولا ان الاختلاط حرام

ثانيا ان الاخر ليس عدونا

ايا كان من هو الاخر

علي الهامش :

انا واحمد عبد الحليم صديقي العزيز صحاب من 10 سنين اقسم بالله ما اتفقنا علي حاجتين تلاته علي بعض , ورغم كده احنا متفقين علي المبدا ان الاختلاف قد يكون في النهايه سبب جيد للتقرب وليس للبعد والكراهيه

الاختلاف ده حاجه ربنا خلقها فينا ولازم نحمد ربنا عليها لان لولا الاختلاف ماكانش بقي فيه فرق بيننا وبين المعيز

انا واحمد اتفقنا ان لازم نفصل مشاعرنا عن عقلنا مش بالضروره عشان مشاعرنا قريبه من بعض ابقي لازم اوافقك علي كل حاجه انا عمري ما هحكم علي حد بتفكيره لان كل واحد حر في تفكيره لكن هحكم عليك من احساك وقلبك

علي فكره

عمر الشيطان ما يقدر يلعب في عقلك لانك هتهزمه بكل بساطه لانه ضعيف جدا

لكن وسيلة الشيطان هي اللعب في القلب لان قلبك اقوي من عقلك وقلبك يقدر يوجه قلبك

والعكس صحيح جدا

الفصل التالت

انا لا اؤمن بالتاريخ

التاريخ وضعي

ناس هم اللي حطوه

يمكن كتبوا كويس عشان مصلحتهم وممكن يكونوا كتبوا وحش عشان مصلحتهم .. لا اؤمن بشئ انا لم اعصاره لو حتي اتقالي من اقرب الناس ليا

سوي القران فقط لا غير

لم ار الرسول ولم اري الله لكني مؤمن بكل كلمه جاتلي عنهم منهم او من الناس اللي وثقوا فيهم .. . اظن كلامي واضح

لو فيه اختلاف بين التاريخ والقران يبقي التاريخ هو اللي غلط

لو كان فيه اختلاف بين اللغه والنحو وبين القران تبقي قواعد النحو واللغه هي اللي غلط

ولازم تتصحح

الفصل الرابع

التعريس بقي في مصر حاجه تقليديه اوي

بستغرب اوي في كل البرامج الحواريه بيطلع كل واحد ويطلع معاه واحد يعرس عليه ويقوله انت صح واااااميييين

ولكل معرسينه

لو تلاحظوا في كل البرامج سياسيه فنيه اقتصاديه رياضايه كل واحد في برنامجه صح

وكل مقدم برنامج صح في النهايه وهو اللي صاحب قضيه وماينفعش واحد يطلع معاه ويقوله انت غلط ده المقدم اللي في البرنامج التاني هو اللي صح

ينعل ميتين ام التعريس علي ميتين ام المعرسين

الفصل الخامس

انا هشاتغل في المسرحيه حتي لو الرقابه رفضت النص والاستعراض وده المتوقع

كلامي هيوصل للناس مهما حصل

سواء كلامي الناس حست بيه .. .اقتنعت بيه .. رفضته ... اعجبت بيه .. كرهته

في النهايه لازم يوصللهم

انا مش بكتب عشان اسمع نفسي انا بكتب عشان الناس تسمعني

الفصل السادس

خلاص مفيش سادس العربيه خمس غيارات بس

هي مرسيدس

ملحوظه : المنكوش ده جروب عالفيس بوك عمله واحد صديق اسمه محمد فاروق عبد الرحمن واللوجو من تصميمه وده اللينك بتاعه

http://www.facebook.com/home.php?#/group.php?sid=afdad84e094c5067e1b24f95cc0f4a8c&gid=53461883707