عمود نور

لما تبقي الدنيا ضلمه في شارعنا , وانا بمشي في الطريق علي ضوء عواميد النور اللي في الشارع وبغني , الساعه اتنين تلاته بالليل

قعادي عالقهوه لوحدي الساعه 4 الفجر وبصوت عالي شاي خمسينه يا اسماعيل

ويرد اسماعيل .. شيشتك ؟

اساسي

لما اقعد اكتر من عشرين يوم بحاول اذاكر بس ماقدرش واحس ان فيه مانع قوي لاني ذاكرت كويس اوي التيرم الاول ورغم كده شيلت مادتين .

خروجاتي مع صحابي اللي بحس فيها اني لوحدي

خوفي من اني احب من جديد بعد رنا ودينا الله يرحمهم

لما اقابل واحد صاحبي . بقالي كتير اوي ماشوفتهوش ويعد يكلمني عن حياته ييجي نص ساعه وفي الاخر يقولي

ياللا سلام ........ عاوز حاجه يا حماده ؟

لما افتح الانسر ماشين الاقي الناس بتسكت اول ما الاوتو انسر يفتح . زي ما يكون في كائن فضائي رد عليهم

احساسي وانا بارقص رقص ارتجالي عالمسرح لوحدي وحسام بتاع الاضاءه مركز النيون عليا انا

احساسي وانا بقرا الاشعار والاغاني والقصص اللي انا باكتبها والتناقض اللي بيجيني ما بين اني بكتب كويس او لأ

شعوري دايما بالخوف من الالم اللي في ضهري انه ينهي مستقبلي

الخوف من السقوط , ومن الفشل

الضحكه اللي بتطول اوي رغم انها من غير سبب ,, والدمعه اللي ليها اسباب كتير اوي للاسف مابتستمرش اكتر من اربع خمس ثواني

ضحكة طفلة صغيره جميله اوي واحساسي انها بتحبني اوي , واحس انها بتاعتي نفسي اكون اب لبنت زي دي , وفجاه ييجي ابوها وامها وياخدوها ويبتسمولي ويمشوا بعيد

عمود نور

ممدوح زيكا

( فترة توقف )

رحلتي مع البيض

مع الاعتذار لاي حد هيفهم

صحيت الصبح مالاقتش فطار عاجبني قولت انزل علي كافيه بحبه كده افطر فيه

واخترت الفطار

فول وبيض

بيض كتير

مع ان كان عندنا بيض في البيت بس في النهايه بارضه بيض الكافيه ارحم من بيض البيت

رجعت البيض

سورري قصدي رجعت البيت

لقيت امي عامله بلوبيف البيض ومكرونه

قلت لا بلاش بيض

انا هانزل اجيب اكل لنفسي

تاكل ايه ياض يا زيكا

تاكل ايه ياض يا زيكا

كلت بيض بالبسطرمه

رجعت البيت تاني اتبضنت

واحد صاحبي اتصل بيا قالي تعالي نلعب بلاي ستيشن واتعشي معايا

روحت

لقيته عنده بيض

كلنا انا وهو بيض

وبعد كده مشيت في الشارع

لقيت واحده ماشيه بتبيع بيض

معدي من جمب عربية فول لقيت واحد بيطلب

اتنين فول بالبيض

رجعت لبيتنا تاني

لقيت أمي عامله كيك

وطبعا انتوا عارفين ان الكيك بيتعمل من البيض

اللا بيض

امبارح الساعه اتنين بالليل

اللي هي اتنين صباحا يعني

شوفت الحلقه بتاعة الطبعه الاولي بتاع المسلماني علي دريم

وجاب خبرين ورا بعض خلوني بصراحه سمعت صوت تطقيش كده بس ماحستوش وحسيت اني منهمك في خلايا عدم التوازن والانبعاج التقوسي

وحسيت قد ايه قيمة اللا بيض في حياتنا

ايوه

واللابيض

هو تعبير يدل علي ما كان يسمي في عصر من العصور باللامبالاه

الحكايه وما فيها

ان مية النيل فاسده

يعني فيه 34 مصنع بيرموا الصرف بتاعهم في النيل

وبعدين احنا نشرب

قوووم ايييه بقي؟

احنا نعيا

طبعا ده غير الاسر اللي بتفتقر نتيجة لمرض العائل الرئيسي بتاعها والكلي والكبد الوبائي والقولون وغيره وغيره

قوووووم ايه

لما نعيا نشتري دوا

الخبر اللي بعده

16 % من الادويه الموجوده في السوق فاسده

قووووم ايه

تعد انت تضرب في دوا ولا الدوا بيجيب نتيجة ولا حاجه

فطبعا ماتخفش

فطبعا تموووت

قوووووووووم ايه؟

مافيش قوم ايه ... ما خلاص

تطلع ربنا يحاسبك علي كمية سب الدين وكمية الشتيمه اللي انت شتمتها في الحكومه

وتدخل النار

طب بالذمه ده كلام يرضي مين يا اخواننا

الخبر التاني بيقول

كان فيه حته في حدايق حلوان

علي مساحة فدان معموله مقلب زباله

فالناس اهالي المنطقه طلعوا رجاله ووقفوا وقفة رجاله وشالوا الزباله وزرعوها وعملوها جنينه وسموها حديقة النصر

قوووووم ايه

الحكومه زعلت .. ازاي الناس دي تشيل مقلب الزباله وتعمله جنينه

هم اتجننوا ولا ايه اما شعب غريب صحيح يشيل الزباله العظيمه عشان يعملوا جنينه؟

فعلا ده احنا شعب ابن وسخه صحيح

قالوا شيل يابني الجنينه دي

احنا هنعمل طريق بطئ

النبي إحياة عيالكوا الاهي ما يرميكوا في ضيقه ولا يفقعلكوا بيضه قادر يا كريم

اللي يعرف يعني ايه طريق بطئ يرد عليا

طبعا الناس اتضايقت وقالتلهم طب استنوا حتي ننقل الجنينه في مكان تاني ده احنا دافعين دم قلبنا

ردت المحافظه لأ لأ لأ تؤ تؤ تؤ نو نو

سي تا ان ايمبوسيبل

مافيش وقت

وقطعوا الشجر وجرفوا الجنينه

ومن ساعتها وانا مش جايلي نوم

وجاري البحث عن الشمال في حين اعلنت جماعة الاومليت المصريه مسؤليتها عن اختطاف اليمين

عندما كلمني الله

كانت الساعه تقترب من الخامسه فجرا في اقصي الليالي برودة وامطارا
عندما صعدت الي جبل المقطم وقررت الانتحار
عندها توقفت اذني عن الشعور بما حولي
رغم انه لم يكن هناك الكثير
اري تلك السيارة التي يوجد بها شاب و صديقته واستطيع ان اسمع اهاتها رغم كل ما دور في عقلي الان
وهنا يرقد هذا الرجل الذي يبيع الدره وقد ظهرت عليه علامات النوم
حسنا
انه اليوم لا غدا
لن اتراجع مثل كل يوم
ساقفز من علي الحفاه
و
آآآآآآآآآآآاه
انزلقت قدماي وانا الان في الطابق السفلي من الجبل
اه كم تؤلمني قدماي
ما هذا الدم
يبدو انني انزف
لم يلتفت احدا الي بكائي ولا الي تأوهاتي
حاولت الوقوف ثانية علي قدمي
والان
اري الجانب الاسفل من الجبل
حسنا ساقفز هذه المره
واحد
اتنين
لا اعلم ما الذي يدفعني للوراء
حاول ثانية
حاول ثانية ايها الضعيف
واحد
اتنين
و

آآآآآآآآآآه
اللعنه
راسي تؤلمني
ما هذا الصداع الغريب
يبدو اني كسرت يداي
اه ورجلي
لكني لم امت بعد
ادرك هذا
لازلت ابكي
لازلت اصرخ
حسنا انها اخر درجة في الجبل
حين رايت ذلك الطائر الجميل ينظر الي في شفقه
قفزت
هل فقدت عيني ؟
انا لا اري
ما هذا الظلام الدامس
اين انا
كنت اشعر بذلك الفراغ من حولي
حين سمعت هذا الصوت ياتي من بعيد
ها قد اتيت .. لم استعجلت لقائي ؟
ما هذا الصوت .. من انت؟
انا كل شئ ولكن من انت؟
انا لا شئ
حسنا , لقد امرتك الا تفعل ذلك عديدا كنت ادفعك بنفسي الي الوراء ولكنك طالما وجدت دافعا اخر يدعوك الي عصيان امري . فما الذي اتي بك الي هنا في غير معادك ؟

اعلم انك تغضب مني الان وانك ستأمر بهلاكي ولكن لم اعد اهوي الحياة بعد

ولماذا لم تصبر ؟

منذ البدايه لم يكن كل شئ كما اردت ولا اظن انك اردت لي كل هذا الشقاء , منذ البدايه وانا اعلم ان النهايه ستكون اقرب مما اردت انت ولكن انا هنا , لا املك لنفسي ضرا ولا نفعا , اما انت فتملك كل شئ
جئتك سلمت نفسي اليك ولا اريد العوده بل اريد ان ادنو منك اكثر فاكثر , ورغم اني اعلم انك ستأمر بحرقي
ولكن لم اعد اخشاها , فقد واجهت العديد منها في حياتي , ولطالما كنت امقت كل شئ قدرته لي
أبي الذي كان يعاشر اختي
أمي التي كانت تطعمنا من جسدها اللعين
العالم الذي كان يرفضني بسبب تلك العائله
اذا كنت لا املك ان احب شيئا في الدنيا ولا حتي نفسي اذن لماذا اطيل البقاء ؟

ربما لاني امرتك الا تفقد الامل ابدا

اي امل هذا .. لقد خلقت بي كل شئ سلبي لم تترك لي انت مزيدا من الامل , لم اشعر بطعم الصبر لماذا اذن لم تزيد جرعة الصبر في قلبي انت خلقتني , انت خلقت كل شئ في حياتي لماذا لم تخلقني هذا او ذاك لماذا خلقت شيطاني اقوي مني , لماذا لماذا ؟

لقد قدرت كل شئ ولم اختر لك طريقا لتسلكه انت سلكته بقدميك , بقدميك الخاطئتين دنوت اكثر مع الخطائين وببشاعة تصرفاتك خلقت لنفسك شيطانا حملته كل سيئاتك , وبروحك الشريره تخاطب الان خالقك بهذه الطريقه , ارتميت الي احضان الخطيئة بقدميك وبررت ذلك بي , حاولت دفعك عن الانتحار لانك تعلم مصيره ولكنك دفعت نفسك فوق كل اعتبار وسقطت من ذلك الارتفاع وحيدا تهوي الي الجحيم

حسنا ... ربما خاب ظني فيك قليلا , ولكن ها انت تبعث الامل في جسدي من جديد , لا اعلم لماذا اشعر الان انك ربما ستسامحني

حينها , رايت النور مرة اخري
ورايت كل شئ كما توقعته
دخان كثيف استطيع شم رائحة الزهور واستطيع ايضا ان اري دخان اللهيب من مكاني
عندها , جائني رجلان طويلا القامه مفتولا العضلات ليمسكوا بكتفي بشده
لم استطع مجاراتهم , فجسدي النحيل كان اكثر ما يميزني في الدنيا
لم احاول حتي الاعتراض عاودني الظلام من جديد
ولكني شعرت بيد ناعمة تتحسس رأسي
فتحت عيني لاري امرأه ذات وجه رقيق ترتدي ثوبا ابيض
لا اعلم ان كنت في الجنة او في النار
فذلك الوجه يحتمل المعنيين
اغمضت عيني
ثم فتحتها ثانية
تباً
انها ممرضه
لم امت بعد
ربما حصلت علي فرصة ثانية
التفت الي نافذة الغرفه
فرايت ذلك الطائر مرة اخري

نيجيري بيه

نيجيري بيه نيجري بيه نيجري بيه ايريه
نيجيري بيه نيجيري بيه نيجيري بيه ايريه

شيلكي ان كير مولو فوتنا دشكوسا كير مولو فوتنا

مينا ميناااااااااا

طبعا ماحدش فاهم حاجه

حاااااضر هترجم

بس الترجمه علي ما قسم يا اخواننا معلش

شيلكي

( ده تعبير بيدل علي ان الحاجه حصلت بسرعه اوي يعني المشهد حصل في لحظه مثلا)

بشكوسا

( بشكوسا دي بقي ماينفعش تترجم بشكوسا دي زي مثلا ما واحده بتبصلها تقولك يا سم

او انها تجيبك من فوق لتحت

يعني تعبير وش لا هو فعل ولا اسم ولا صفه ولا اي بتنجان هي وصف مش اكتر )

والمهم يعني ان الاغنيه عامة معناها ايه

معناها ان هو بص للبنت الصغيره دي قامت هي اتنكت عليه فهو هو بيعاكسها وعجبه ان طفله صغنططه كده تتنك عليه

" فعلا يالهوي دي تبقي عسل اوي "

ونقول كمان

"شليكي كيك كير مو للوج فوتنا "

يعني هي عدت فبصلها

"بشكوسا كير موللوج فوتنا"

فبصتله هي بتعالي او من فوق لتحت يعني

"!!! ((مينا منا .. نايجري بيه اري))

ليه يعني بتتامري علي ايه انتي مين انتي ؟

النونو نن عينيه غنا ضحكت عيونه من الجنه

مينا ميناااااااااا

النونو دبت خطوتها خطفت عيونا وشغلتها

مينا ميناااااااااا

الترجمه من كذا موقع ومن كذا صديق

وكلهم اكدوا علي كلام قريبتي النوبيه

اللي اقرت بان الترجمه صحيحه

واي ترجمه تحبوها للاغاني النوبي

تعالوا عند العبد لله ودقوا الباب

هذا

والله اعلم