فرعون وجنوده

{فَأَخَذْنَاهُ وَجُنُودَهُ فَنَبَذْنَاهُمْ فِي الْيَمِّ وَهُوَ مُلِيمٌ} (الذاريات: 40).




وقال تعالى: {وَدَمَّرْنَا مَا كَانَ يَصْنَعُ فِرْعَوْنُ وَقَوْمُهُ وَمَا كَانُوا يَعْرِشُونَ} (الأعراف:

137).




"هل أتاك حديث الجنود *فرعون وثمود" البروج الآيتان 17



إن فرعون علا في الأرض وجعل أهلها شيعا يستضعف طائفة منهم يذبح أبناءهم




ويستحيي نساءهم إنه كان من المفسدين" القصص الآيات 1-4



قال تعالى: "واستكبر هو وجنوده في الأرض بغير الحق وظنوا أنهم إلينا لا يرجعون




*فأخذناه وجنوده فنبذناهم في اليم فانظر كيف كان عاقبة الظالمين" القصص 39-40




"فأتبعهم فرعون بجنوده فغشيهم من اليم ما غشيهم" طه الآية 78



"فأخذناه وجنوده فنبذناهم في اليم وهو مليم" الذاريات الآية 40



صدق الله العظيم



ليه ربنا كان دايما بيذكر فرعون وبعد كده يلحق بيه جنوده



ليه ربنا دايما في كل آيه بتنم عن الغضب علي فرعون كان في نفس الوقت مش بيستثني



جنود فرعون معاه



عارفين معني كده ايه ؟



يعني اللي قال انا عبد المامور دخل النار



يعني اللي قال دي اوامر البيه الظابط دخل النار



يعني اللي ما شغلش عقله منهم وشارك في الفساد دخل النار



يعني كل واحد جه من قريه وعامل نفسه ما بيفهمش او هو فعلا ما بيفهمش وشارك في



تعذيب الناس دخل النار



يعني فرعون ما دخلش النار لوحده .. لأ كل واحد ساعده سواء بتعذيب ابناء مصر ايامها



او تعذيب المؤمنين من بني اسرائيل دخل النار



ربنا مارحمش الجنود الغلبانين اللي مالهمش ذنب اللي بينفذوا اوامر الملك فرعون اللي



لو ما نفذوش اوامره هيدخلوا جهنم الدنيا



كل واحد من جنود فرعون استخدم سلطته في ايذاء الناس دخل النار حتي لو كان مجبر



علي انه يستخدمها



لان الله اولي بالعباده والخوف

نقول كمان مره



إن فرعون علا في الأرض وجعل أهلها شيعا يستضعف طائفة منهم يذبح



ابنائهم ويستحيي نساءهم إنه كان من المفسدين"


القصص الآيات 1-4




ما اشبه اليوم بالبارحه

المعارضه المصريه في الميزان ...3

الاحزاب

لا اعلم لماذا اشعر ان المقاله ليست مقالة سياسية وانما مجرد مقاله كوميديه , فالحديث عن الاحزاب المصرية , يشعرني حقيقة بالغثيان . فمجرد التفكير في مدي تفاهة الاحزاب المصريه من اكبرها عددا وتحكما ( الحزب الوطني الديمقراطي) الي اصغرها شأنا وهو حزب الجبهة الديمقراطيه والذي تم تاسيسه العام الماضي

منذ عودة الاحزاب المصريه الي الساحه مرة اخري عام 1976 يجد الاعتراف بان اربع وعشرون حزبا لم يكن لها اي تاثيرا يذكر علي الحياه في مصر لعدة اسباب

منها ان منذ العام المذكور اعلاه لم تتغير قادة الاحزاب المصريه مطلقا الا بوفاة رئيس الحزب

الا فيما يري اليقظان عندما تندلع نيران العداوة بين اعضاء الحزب الواحد فتنقلب اذن القيادة الي معركة حربيه مثل ما يحدث الان علي سبيل المثال في حزب الوفد

فاذا نظرت الي اعمار رؤساء الاحزاب في مصر ستنبهر باعمارهم جميعا

حيث لا يقل عمر رئيس حزب في مصر عن سبعين عاما بل ان فؤاد سراج الدين رئيس حزب الوفد قد توفي عن عمر يناهز التسعين عاما

والغريب ان من ينقدون الرئيس مبارك علي بقائه في السلطه طوال مدة 25 عاما لم يتركوا هم رئاسة حزبهم طوال نفس هذه المده

كما يحدث في حزب الوفد او التجمع والاحرار والامه وغيرها من الاحزاب الكبري في مصر التي شانها شان جميع الاحزاب المصرية

اصبحت الاحزاب المصريه كهلا عاجزا مطلوب من الحياه السياسية المصرية العاجزه ان تعيله هو وابنائه من اعضاء الحزب

مجرد عرائس متحركه تسعي الي الظهور علي المسرح .. لا ادري ان كانت الاحزاب مهتمة بما يحدث في مصر بقدر اهتمامها بالمحاضر التي تحرر في اقسام الشرطه بعد كل معركة من معارك انتزاع السلطه

الطريف في الامر عن نصف عدد الاحزاب في مصر هي مجرد انشقاقات عن احزاب اخري

وعلي سبيل المثال لا الحصر

ان حزب الكرامه هو حزبا منشقا عن الحزب الناصري

فكما نحتار اليوم في بديلا لرئيس الجمهورية لعد اطاحته لكل ما يسمي بالصف الثاني في مصر

نبحث ايضا عمن يخلف تماثيل الاحزاب المصريه التي تودي يوما بعد يوما الاحزاب المصريه الي الجمود والتخلف وعدم الديمقراطيه

منذ ايام سمعت عن تنازل احمد الصباح رئيس حزب الامه ( هذا الرجل ذو الطربوش الذي رشح نفسه في انتخابات الجمهورية الاخيره وهو غير قادر علي نطق حروف كلمة مصر) عن تنازله لرئاسة حزب الامه ( علي ما اتذكر) لابنه وربما يطيل الله في عمري لكي اري هذا الرجل عجوزا مثل ابيه ويتنازل عن رئاسة حزب الامه لابنه هو الاخر وهكذا حتي يموت حزب الامه مقتولا بفعل الملل.

بعد انتخابات الجمهورية الاخيره ومشاركة نعمان جمعة فيها , ثبتت الحكومه المسمار الاخير في نعش حزب الوفد كما فعلت مع كل رؤساء الاحزاب الذين شاركوا في الانتخابات فظهر بعد الانتخابات ( ولا ادري لماذا في هذا التوقيت بالذات ) ان نعمان جمعه هو مزور و فاسد وسارق وديكتاتور في حزبه ثم ظهر من يتنازع معه علي رئاسة حزب الوفد

وكما فعلت الحكومه مع الدكتور ايمن نور قبل وبعد الانتخابات ثم حبسه مدة 5 اعوام ( هي مدة رئاسة الجمهورية )

التي ربما قد تكون الاخيره لعصر الحزب الوطني والرئيس مبارك

قد وضح للكفيف ان وفاة الاحزاب المصريه لم تكن فعلة الحكومة وحدها بل شارك ايضا في هذه الجريمه كل اعضاء الاحزاب

كل من شارك بالخمول او بالفساد او بالصراع او بالبقاء في قيادة الحزب رغم انف الجميع

ملحوظة اخيره :

لا اعلم لماذا عندما تاتي سيرة الحزب الوطني الديمقراطي الحالي بتم الربط بشكل مثير للاشمئزاز بينه و بين الحزب الوطني الذي اسسه مصطفي كامل عام 1907

ولمجرد العلم بالشئ فان التزوير التاريخي لن يفيد الحزب الحاكم شيئا وللعلم ايضا ان الحزب الوطني الديمقراطي الحالي هو حزب مصر العربي الاشتراكي الذي تم تاسيسه عام 1978 ثم تحول بعد ذلك الي الحزب الوطني الديمقراطي والتشابه في اسم الحزبين جاء مقصودا ومتعمدا ولك ان تسال العديد من عموم الشعب عن متي تم تاسيس الحزب الوطني الديمقراطي ... الكثير سوف يرد عليك بانه تم تاسيس هذا الحزب عام 1907 علي يد الزعيم الراحل مصطفي كامل

واقسم ان الرجل برئ من هذا العار .

العيال كبرت ... واتجوزت كمان

علي طول كده ومن غير مقدمات

البوست ده بوست اعتراضي يعني لا محل له من الاعراب

فرحتي مغطيه علي دماغي اني كاتب اي حاجه تاني

العيال هتتجوز خلاص لأ والمشكله انهم هيتجوزوا كلهم في شهر واحد وطبعا مش هيبقي فيه في حياتي غير الكيبورد والمدونه و البلاي ستيشن

اييييييييييييييييييييييه دنيا

اول جوازه

مايكل - مارينا

مايكل عنده 23 سنه ومارينا ( مش اللي في الساحل ) عندها بااااارضه 23 سنه

والطشت قاللي يا واد يا زيكا .. العيال دي شكلها هتتجوز قريب وهيفلسعوك يا معلم وبصراحه بقي استلفت الدبور والنحله بتوع آبي وقعدوا يزنوا علي دماغي عشان ادعبس وراهم لحد ما اعرف هيتجوزوا امتي

والحمد لله عرفت حتي قبل ما ام مايكل تعرف

وطبعا طبعا طبعا اليوم ده هيبقي اسعد يوم في حياتي لما اشوف مايكل انجلو زعيم سلاحف النينجا في الكوشه وجمبه احلي مصيف فيكي يا مصر

بجد بجد انا مش عارف اقول ايه

لكن بجد انا فرحان بيكوا اوي وطبعا عايزكوا تعملوا امبراطورية ميم

يعني كي ولادكوا يبقيوا زيكوا كده

يبقي مايكل وماريمنا جابوا ايه بقي

محمود ومحمد ( لأ ماينفعش ) اممممممم يبقي ممدوح اكيد لازم تسموا الولد ممدوح عشان يطلع حلو

امنعوا الضحك ... قلت امنعوا الضحك

مبروك يا مايكل يا اول فرحتي ومبروك عليك مراتك ويارب تخلوا بالكوا من بعض وربنا يوفقكوا في حياتكوا

...................

تاني جوازه

بيقولوا اللي بيتجوز سوريه بيعيش عيشه هنيه .. عايزين نجرب بقي المثل ده بطريقه تانيه

اللي يتجوز سويديه يعيش عيشه هنيه

وده اللي هنجربوا مع

روحي روحي روحي

حبيب هارتي من جوه

سامح الايوبي و مراته اللي اسمها عايز كتالوج دي

مارتينيا ( اسم ده ولا ازازة ويسكي )

بجد يا سامح بارضه ما تتصورش فرحتي بيك قد ايه ومبروك يابن الحلال

وياريت تلم نفسك بقي وتهدي اعضائك كده وتحافظ علي مراتك وتبطل سجاير انت وهي

والله الواحد خايف لا تخلفوا علبه ميريت

وطبعا طبعا مش هحضر الفرح

جايز يبقي عندي ساعتها حفله حفلتين مش عارف بقي

:P:P

بعد مايكل باسبوع واحد بس وعموما شهر سته كله خير وبركه

كتب الكتاب لان مراته سويديه هيكون في سفارة السويد وده مايعتبرش كتب كتاب ده عقد جواز وبعد كده هيروحوا هم الاتنين علي الازهر عشان يتحطوا في القفص رسميا

اول مره اشوفها دي بصراحه بس ياللا طول عمرك يا سامح حتي من ايام المدرسه وانت عجيب

سامح عنده 20 سنه ومارتينيا عندها 32

ربنا يوفقكوا يااااااااااااااااااااااااااااااااااااااااااااااااااااااااااااااااااااارب

ولو اعرف يعني ايه مبروك بالسويدي كنت قلتلك يا مارتي بس مش مشكله ترجملها ياض

...................

تالت جوازه

اوف ده ايه ده ياخويا .. العيال كلها هتهج مره واحده

وانا هسيب اللي ورايا واللي قدامي يا ولاد اللذينه انت وهو وهي وهي وهي وهو وهو

واسيب بقي اعمالي المرطرطه والمطرطشه في كل حته دي واعد جمبكوا

ااااااااااخ

قطعت الخلفه وسنينها

المهم بقي قصره عشان انا تعبت

محمود ابن عم عبد الواحد هيتجوووووز يا مينز

منه بنت عم عادل هتتجووزه يا وومنز

الواد ياخويا معايا في فصل وواحد ودرس محاسبه واحد وسقطنا في نفس المواد وبنعيد مع بعض وبنلعب كوره مع بعض والبت كمان كانت بتلعب معانا كوره وبنلعب علي بلايستيشن واحد وبنتفرج علي دش واحد وال ايه

يومين والاقيهم قاعدين جمب بعض

قلت معلش بقي ربنا يستر علي ولايانا

هههههههههههه

شويتين لقيتلك الواد بيقولي انا هروح اخطبها

الواد اتهف في دماغه ولا ايه

شويتين وخطبها شويتين كمان

ستوووووووووووووووب

بعد الجواز يا روح خالتك

وبعدين بصراحه بقي انا بفكر اخليكوا تتجوزوا انتوا السته في يوم واحد

مش هعد انا كل اسبوع احضر لبس وأأجر عربيه واحط بنزين وادفع مخالفات عشان معييش رخصه ده غير الدوشه والخوته بتاعة كل جوازه

مانا اصلي مجرب حوار جواز الاصحاب ده قبل كده

ببقي عامل زي ام العروسه

وفي الاخر بعد كل الرغي ده كله اكتر حاجه مفرحاني ان محمود ومنه اتلموا بدري قبل ما يقعوا في الخطيئه وتعد بقي تقول اريد حلا والحاجات دي

محمود هيتم 19 سنه بعد الجواز ب10 ايام

يوم 8 /7

وكذلك منه

بعديه بيومين 10/7

وانا هودعكوا 11/7 طبعا بعد كل الارهاق ده

..............

بعد كل التهيييييييييس ده انا عايز اقول اني اسعد بني ادم في مصر ام الداليا كلهاااااااااااااااا

ومبروك لمايكل ومارينا وسامح و ومارتيني ومحمود ومنه

والف مبروك

عقبال عندكوا يا ولاد

لولولولولولولولي

ايها المدخنون .. اطفي السيجاره ياض انت وهو

بما اني خلاص اتحسبت مع اللي مش مدخنين ... وكمان كل يوم بقوم من النوم بحمد ربنا ان انا بطلت قبل ما السجاير تغلي ...يعني هو لما السجاير اللي بشربها تبقي ب11 جنيه
وانا بشرب علبتين يوميا
بالذمه مش حرام
يعني اضربوا كده
11*2 = 22
22*30= 660
ده طبعا غير لو قاعد مع ناس والناس دلوقت بقم مفجوعين يبقي العلبه هتخلص في ربع ساعه في رشتين بالظبط
المهم
بما اني خلاص بقالي اكتر من 3 شهور مبطل سجاير
يبقي من حقي اقولكم
يا جماعه التدخين ضااار جدا بالصحه ويسبب الوفاه
وبالنسبه للناس اللي بيشربوا كليوباترا
كفايه يا ابني انت وهو وهي
الرئه المنيله بنيله اللي هم حاطينها
ده ناقص يطلعلك واحد من العلبه يقولك حرام عليك نفسك
انا جايبلكوا شوية طرق جديده وقديمه عشان نقلل نسبة التدخين في مصر
اولا : طرق ذاتيه ( يعني انت تعمل ايه عشان تبطل سجاير) ما تقولش مش هقدر
العبد لله عنده خبره في الموضوع ده
لو انت رياضي او كنت رياضي ( يعني بتلعب رياضه بلاش غباء) يبقي المفروض تقوم كل يوم من النوم تضرب نفسك ميت جزمه ودايما تروح اماكن بعيدع مشي عشان تحس بالفرق
شوف زمان كنت بتجري يف اليوم قد ايه ودلوقت بقيت عامل زي البطه البلدي لما بتتزغط
دايما فكر انك داخل بطولة الجمهورية السنه دي ولازم تكسب ولو ما كسبتش هيمدوك علي رجليك في ميدان التحرير
وطبعا مستحيل تاخد بطولة الجمهورية وانت بتنهج لما بتفكر كده
تاني حاجه لو انت بتشتغل وعندك بيت واولاد وبتشرب مالبورو ماتعملش ناصح وتقول اشرب كليوباتر .. ولا عايز صدرك يبقي صدرر فرخه مشوية زي الصدر المنيل بنيله اللي حاطينه علي العلبه ده
ها قول اعترف .. نفسك في يوم من الايام يودوك المستشفي بس الدكتورمش هيقولك مبروك يا باشمهندش
( زي الاعلان اللي بييجي علي قناة الناس بس مش عشان الانجاب )
فاضلك يومين وتقابل ربنا
حرام عليك تدفع 600 جنيه من فلوسك علي تقصير عمرك
ولو بتشرب كليوباترا تعالو نحسبها
العلبه تقريبا ب 3 جنيه
فرضا انك بتشرب علبتين في اليوم
3*2 = 6
6*30= 180
ما تستقلش بالرقم ده
يوم القيامه ربنا هيحاسبك ويقولك جبت الفلوس منين
طبعا هتقول .. اشتغلت بيهم
لما يسالك بقي يا فالح .. صرفتهم في ايه ؟؟؟؟؟؟؟؟؟؟
هتقول ايه .. هتقوله يارب شربت بيهم سجاير عشان اموت نفسي
وبعدين حرام تخش النار عشان 180 جنيه
حاجه كمان حاول تقنع نفسك بانك بطلت حتي ولو بتشرب اربعتاشر علبة في اليوم
حد يقولي ازاي ؟
اقولكم ازاي
في حاجه في علم النفس بتقول انك لما تعد تقول لواحد سرق مره او اتنين يا حرامي يا حرامي
جوه نفسه هيقتنع بانه حرامي وهيفضل حرامي حتي لو هو كان ممكن يتعدل
فانت لو اقنعت نفسك انك بطلت ولما حد يقولك خد سيجاره .. قوله معلش اصل انا بطلت
اولا مش هيعزم عليك تاني
ثانيا انت هتقتنع وهتعيش في دور المنتصر اللي بطل سجاير
ثانيا : ( انشطه عامه ) يعني احنا المفروض نعمل ايه عشان نخلي الناس تبطل سجاير
اولا في المحلات التجارية
دايما بنلاقي ورق متعلقه
يقولك
" الاحساس نعمة"
" التدخين حرام شرعا "
" ممنوع التدخين "
وانا رايي ان الحاجات دي ما بتجبيبشي نتيجة لازم نجرب حاجات اكثر حزما وصرامه
زي مثلا
" اطفي السيجاره يا روح امك "
" كل واحد مش بيدخن يشوف واحد ماسك سيجاره يضربه علي قفاه "
" لو ماطفتش السيجاره يارب بيتوا يقع "
" اللي بيدخن يطلع بره "
وفي المدارس مثلا بدل ما بيكتبوا
" يابني حرام عليك صحتك "
نغير الكلام ده
" لو شفتك ماسك سيجاره هطفيها فجيبك"
" هقول لابوك "
" الطالب اللي بيدخن يجيب سيجاره يا اما هعمله استدعاء ولي امر"
او مثلا
" ممنوع التدخين يا حمار"
" انت حر في صدرك وانا حر في صدري"
" العربيه صدرها تعبان "
دي نصيحه طبعا لسواقين التاكسي
والقايمة مفتوحه لاي اقتراحات جديده
كان معكم من امام مستشفي الصدر
انا